सत प्रतिशत नतिजा निकर्ना सफल बोण्ड स्कुल

पालिकामे पहिल हुइल विद्यालयसे दाबी

पहुरा समाचारदाता
हसुलिया, ६ बैशाख । कक्षा आठके बोर्ड परिक्षामे कैलाली जिल्ला कैलारी गाउँपालिका–५ पवेरास्थित बोण्ड इङलिस बोर्डिङ स्कूल सत प्रतिशत नतिजा निकर्ना सफल हुइल बा । कलेसे यिहे स्कूलके विद्यार्थी युवराज ढुंगाना ३.८३ जि.पि.ए नानके गाउँपालिकामे पहिल हुइल उ विद्यालयके संस्थापक प्रिन्सिपल तिलक बोहरा दाबी करले बटै ।
कक्षा ८ के बोर्ड परिक्षामे सामुदायिक ओ संस्थागत विद्यालयसे सहभागी हुइल विद्यार्थीनके भर्खर प्रकाशित नतिजा अनुसार अपन विद्यालय पहिल हुइल प्रिन्सिपल बोहरा दाबी करल हुइट ।
कैलारी गाउँपालिकाके शिक्षा शाखा प्रमुख गणेशप्रसाद मिश्र बोण्ड इङलिस बोर्डिङ स्कूलसे मजा नतिजा नानल मने पालिकाभरके ग्रेडसिट निकारलपाछे केल कौन विद्यालय पहिल आइल कना बाट पत्ता हुइना बटैलै । उहाँ कहलै, ‘सक्कु विद्यालयसे नतिजा माग करल बा । मार्क लेजर प्रमाणित करके बेन्डिङ करलपाछे अन्तिम नतिजा पत्ता हुई ।’

बोण्ड इङलिस बोर्डिङ स्कूलसे कक्षा आठके परिक्षामे सहभागी हुइल सक्कु विद्यार्थी पास हुइल विद्यालयके प्रिन्सिपल बटैलै । बोर्ड परिक्षामे १८ जाने सहभागी मन्से ५ जाने ‘ए प्लस’, ६ जाने ‘ए’ ग्रेड, चार जाने ‘बी प्लस’ ओ तीन जाने ‘बी’ ग्रेड नन्ना सफल हुइल उहाँ जनैलै ।
‘ए प्लस’ ननुइया विद्यार्थी युवराज ढुङगाना ३.८३ जि.पि.ए, फ्रिडम चौधरी ३.७५ जि.पि.ए., विवेक बोहरा ३.७३ जि.पि.ए., यूविन चौधरी ३.६३ जि.पि.ए. ओ प्रकाश कुमाल ३.६३ जि.पि.ए. नानल प्रिन्सिपल बोहरा बटैलै ।
ओस्टेक ‘ए’ ग्रेड, ननुइयामे रोहित कुमाल ३.५८ जि.पि.ए., स्मृति कुमाल ३.४८ जि.पि.ए., गिता गिरी ३.३८ जि.पि.ए., राकेश कार्की ३.३३ जि.पि.ए., ममता चौधरी ३.२८ जि.पि.ए., नितेश चौधरी ३.२३ जि.पि.ए. नन्ले बटै ।
‘बी प्लस’ ननुइया दिपेश चौधरी ३.१३ जि.पि.ए, निराजन चौधरी ३.१३ जि.पि.ए, योगेश चौधरी ३.०८ जि.पि.ए, नविना बोहरा ३.०३ जि.पि.ए नन्ले बटै ।
ओस्टेक करके ‘बी’ ग्रेड ननुइया लक्ष्मी चौधरी २.७८ जि.पि.ए, रोजिता चौधरी २.७३ जि.पि.ए, सपना बोहरा २.७० जि.पि.ए नानके पास हुइल प्रिन्सिपल बटैलै । कैलारी गाउँपालिकामे ४४ ठो सामुदायिक ओ १४ ठो संस्थागत विद्यालय रहल बा ।