नेपाली काँग्रेसके पहिल वडा सम्मेलन

पहुरा समाचारदाता
हसुलिया, ६ बैशाख । कैलारी गाउँपालिका वडा नं.–३ के पहिल वडा सम्मेलन भव्यताके साथ सम्पन्न हुइल बा ।

वडा सभापति सन्तराम चौधरीके अध्यक्षतामे हुइल सम्मेलनके प्रमुख अतिथि सुदूरपश्चिम प्रदेशसदस्य तथा कैलारी गाउँपालिकाके अध्यक्ष राजसमझ चौधरी रहल रहिट । विशिष्ठ अतिथि जिल्ला उपसभापति खेमराज डगौराथारु रहल रहिट । वडा सम्मेलनमे जिल्ला प्रतिनिधि तपेन्द्र भुषाल, महाधिबेशन प्रतिनिधिद्वय माया चौधरी ओ मनिराम बखरिया, क्षेत्र नं.–३ के सचिव रमेश चौधरी, पुर्व महाधिवेशन प्रतिनिधि भरतराम चौधरी लगायत नेताहुकनके सहभागिता रहे । यिहे अवसरमे थारु समुदायके सांस्कृतिक नाँच ओ झाँकी प्रस्तुत करल बा । सम्मेलनमे वडाके झण्डै ३ सय ढेर कार्यकर्ता ओ सर्वसाधारणके सहभागिता रहे ।