चैतन्य पाठशालासे वार्षिक समिक्षा तथा आगामी कार्ययोजनाबारे छलफल

पहुरा समाचारदाता
धनगढी, ९ बैशाख । धनगढी ५ शिवनगरमे रहल चैतन्य पाठशालासे वार्षिक समिक्षा तथा अइना बर्षके कार्ययोजनाबारे छलफल करले बा ।

धनगढीमे आयोजित कार्यक्रममे पाठशालासे शिक्षक तथा शिक्षिकाहुकनके सहभागितामे बिद्यालयके बिगत एक बर्षके समिक्षा ओ अइना बर्षके कार्ययोजनाके बारेमे छलफल करल हो ।

बिद्यालयसे हरेक बर्ष शिक्षक तथा शिक्षिकाहुकनके सहभागितामे वार्षिक समिक्षा ओ अइना बर्षके कार्ययोजनाके बारेमे छलफल करटी आइल बा । कार्यक्रममे पाठशालाके सहभागि शिक्षक तथा शिक्ष्ीिका अपन प्रस्तुतीकरण करल रहिट । ओइन अपने बर्षभरके कार्यप्रगति, अनुभब ओ भोगाईके दर्शाइल रहिट । विद्यार्थी अभिभावक तथा शिक्षकबिचके सहकार्यता ओ समन्वयात्मक अवस्थाके बारेमे चर्चा समेत करल रहिट । साथे नयाँ आइल शिक्षकहुकनके परिचयात्मक कार्यक्रम समेत करल रहे ।

विद्यालयके कार्यकारी अधिकृत गणेश प्रसाद जोशी पाठशाला मार्फत बिगतसे संस्कारसहितके शिक्षाहे जोड डेहल बटैले रहिट । बार्षिक समिक्षा तथा आगामी बर्षके कार्ययोजनासे बिद्यालय ओ बिद्यार्थी, अभिभावक तथा शिक्षक बिच सुमधुर सम्बन्ध कायम रहन ओ दुविधा हट्न बिश्वास ब्यक्त करले बटै ।

यिहीसे कमीकमजोरीहे हटाके पाठशाला थप उचाईमे पुग्न विश्वास लेलै । पाठशाला जबफे संस्कारसहित शिक्षाके मुल मर्महे आत्मसाथ करटी अइना बर्षमे विद्यार्थी अभिभावक, शिक्षक तथा समाजके सल्लाह, सुझाव अनुसार चल्न बटैलै । यैसिक धनगढीके केल नइहुके जिल्ला प्रदेश हुइटी देशके नमुना विद्यालय बनैना उदेश्य राखल बटैलै । पहिले असल ब्यक्ती बन्न असल विद्यार्थी, असल अभिभावक, असल शिक्षक बने पर्ना बटैटी टबकेल असल समाज ओ देश बन्न बटैले बटै । विद्यार्थी अभिभावक ओ शिक्षक पाठशाला एकदुसर बिच समन्वय हुई पर्ना बटैलै । बिगतके अनुभवहे समेटके आगामी बर्षमे का कैसिक विद्यालयहे आघे बह्राई सेक्जाई कहिके कार्य योजना बनैटी रहल उहाँक कहाई बा ।

पाठशालाके पुर्व प्रिन्सिपल उदय प्रताप सिँह विद्यालयसे टमान सेवा सुविधा डेटी रहल बटैटी शिक्षक शिक्ष्ीिकाहुकनके त्याग सर्मपणके आवश्यकता रहल बटैलै । शिक्षक शिक्ष्ीिकाहुकनके विच समन्वय करे पर्ना बाट ओ बिद्यालयसंग समन्वय कैना बाटमे एकजुट हुके लग्ना शिक्षक शिक्षिकाहे सुझाव डेलै । ओकर ग्यारेन्टी अपनेफे लेना ओ विद्यालय परिवार तमतयार हुके लग्ना विश्वास ब्यक्त करले बटै । कार्यक्रममे विद्यालयके शिक्षक शिक्षिका, प्रिन्सिपल हरिप्रसाद जोशी, सहायक प्रधानाध्यापक कटक सिँहलगायके उपस्थिति रहे । चैतन्य पाठशालामे मन्टेश्वरीसे कक्षा १० सम पढाइ हुइटी आइल बा । साथे कार्यक्रममे पत्रकारहुकनहे मायाके चिनो प्रदान कैगिल रहे ।