जसपाके जिल्ला पार्टी कार्यालयके उदघाटन

पहुरा समाचारदाता
धनगढी, ९ बैशाख । जनता समाजवादी पार्टी नेपाल कैलालीके जिल्ला समन्वय समितिके कार्यालयके उदघाटन हुइल बा ।
पार्टीके केन्द्रीय सदस्य सुदूरपश्चिम प्रदेश इन्चार्ज तथा पूर्व प्रदेशसभा सदस्य मालामति रानाके वडका पहुनामे पार्टीके जिल्ला
समन्वय समितिके कार्यालयके उदघाटन हुइल हो ।

पार्टीके जिल्ला अध्यक्ष गया प्रसाद कुश्मीके अध्यक्षतामे हुइल पार्टीके कार्यालय उदघाटन कार्यक्रममे विशिष्ट पहुना प्रदेश उपाध्यक्षद्वाय गोविन्द राना, संजय सक्सेना रहिट । कार्यक्रममे स्वागत मन्तव्य जिल्ला उपाध्यक्ष दान सिंह जोगी, धन्यवाद ज्ञापन जिल्ला उपाध्यक्ष रुपेश कठरिया ओ संचालन जिल्ला कोषाध्यक्ष निलम चौधरी करल रहिट । जनता समाजवादी पार्टी नेपाल कैलालीके जिल्ला समन्वय समितिके कार्यालय स्थापना धनगढीके बुद्ध मन्दिर पाछे स्थापना करल जिल्ला अध्यक्ष
कुश्मी बटैलै ।