विषयवस्तु अनुसारके सामग्रीके प्रयोगसे वालवालिकामे सकारात्मक प्रभाव

पहुरा समाचारदाता
हसुलिया, १० बैशाख । कैलाली जिल्ला कैलारी गाउँपालिकाके सामुदायिक विद्यालयमे शैक्षिक गुणस्तर अभिवृद्धि कैना माध्यम क्रियाशील बालविकास पद्दतिमे आधारित घुम्ती बैठक कैगिल बा ।

युनिसेफ नेपालके आर्थिक सहयोग, सेतो गुराँस राष्ट्रिय वालविकास सेवा, कैलारी गाउँपालिका ओ पीसविन कैलालीके संयुक्त साझेदारीमे सञ्चालित ‘नेपालमा प्रारम्भिक बालशिक्षा र विकासको सवलीकरणका लागि प्रारम्भिक सिकाइ तथा विकास मापदण्ड कार्यान्वयन परियोजना’ अन्र्तगत बालबालिकाके लाग प्रारम्भिक सिकाइ तथा विकास प्रगति विवरण रिपोर्ट कार्डके साथे निर्माणात्मक मूल्याङकन स्रोत पुस्तिकामे आधारित क्रियाशील बालविकास पद्दति घुम्ति बैठक सञ्चालन करटी आइल बा ।

क्रियाशिल वालविकास सञ्चालनके लाग कैलारी गाउँपालिका अन्र्तगत ९ वडाके ४८ ठो विद्यालयके प्रारम्भिक बालविकास शिक्षक तथा कक्षा १ मे अध्यापन करैना शिक्षकहुकनके अलग अलग क्लष्टर स्तरके समुह गठन करल बा । ओ प्रत्येक २ महिनामे १ चो घुम्ती बैठक सञ्चालन करटी आइल बा । उहे कार्यक्रम अन्र्तगत अप्रिल महिनामे कक्षा १ के शिक्षकहुकनके टिसरा चरणके तथा प्रारम्भिक वालविकासके शिक्षकहुकनके दुसरा चरणके बैठक सम्पन्न करल बा ।

परियोजना कार्यान्वयनके समयावधि अनुसार कम्तिमे १० चो बैठक सञ्चालन करजैना बा । घुम्ती बैठकमे कक्षा १ के ४४ जाने शिक्षक तथा वालविकास शिक्षक ७२ जानेक नियमित सहभागिता रहना करल बा । प्रारम्भिक बालविकासके टमान कार्यव्रmम सञ्चालन कैना क्रममे व्रिmयाशील बालविकास पद्दतिहे एक ठो अलगे कार्यव्रmम नइहुके गुणस्तर अभिवृद्धि करैना माध्यमके रूपमे लेहल बा ।

प्रारम्भिक बालविकास केन्द्र तथा कक्षा १ हे गुणस्तरता प्रदान कैना क्रियाशील बालविकास पद्दतिसे बालबालिका, सरोकारवाला, समुदाय, अभिभावक, व्यवस्थापन समिति, सहजकर्ता, कक्षा एकके शिक्षक , बालशिक्षक सव्रिmय करैना कार्य करल बा । बालबालिकाके सर्वाङीण विकासके अधिकारहे संरक्षण तथा सम्बद्र्धनके लाग विशेष महत्व डेना कार्यमे यी प्रक्रियासे कार्यव्रmममे प्रभावकारीता नन्ना सहयोग पुगैटी आइल बा । क्रियाशिल बालविकास पद्दतिके उद्देश्य ४८ से ६० महिनाके बालबालिकाके प्रारम्भिक सिकाइ तथा विकास (शारीरिक, बौद्धिक, सामाजिक, संवेगात्मक ओ भाषिक) क लाग वाल शिक्षक, कक्षा एकके शिक्षकके दक्षतामे सुधार कैना आवश्यक पर्ना वातावरण तयार कैना तथा उमेर अनुसार बालबालिकाके स्तर मापन करके ओइनके स्तर अनुसारके थप रणनीति कार्यान्वयन करैना रहल बा ।

बैठक सहजीकरण विधि मुख्यतया ५ ठो सुत्रमे आधारित रहिके सञ्चालन करटी आइल बा । जौन अन्र्तगत कक्षा सञ्चालन करेबेर सकारात्मक पक्ष, समस्या विश्लेषण, मुख्य सन्देश, समिक्षा तथा संकल्प ओ अइना महिनाके योजना रहल बा । यी बाहेक बैठकके समयमे प्रभावकारी कक्षा सञ्चालनके लाग विषयवस्तु अनुसार आवश्यक सामग्री निर्माण कैना कार्य हुइटी रहल बा । कक्षाकोठामे विषयवस्तु अनुसारके सामग्रीके प्रयोगसे वालवालिकामे सकारात्मक प्रभाव परल डेखल बा ।
शिवशत्ति आधारभूत विद्यालयके प्रअ अनिता चौधरीके अनुसार बैठकसे शिक्षकमे संवेदनशिल हुईना सहयोग पुगैले बा । शैक्षिक सामग्री निर्माण कैना ओ कक्षा कोठामे ओइनके प्रयोग कैना बानीमे सुधार हुइल बटैली ।

ओस्टेक करके बालविकास शिक्षक असरामी चौधरी स्थानीयस्तरसे उपलब्ध साधनसे शैक्षिक सामग्री बनैना विषयमे संवेदन हुइल ओ फरक फरक विद्यालयमे हुइल मजा अभ्यासबारे छलफल हुके शैक्षिक गतिविधिमे सुधार नन्ना भुमिका निर्वाह करल बटैली । बैठकके सहजीकरण परियोजनाके कार्यक्रम संयोजक शान्ति मगर ओ तालिम अधिकृत जानकी सिंह करटी आइल बटै ।