आगलागी घरमे पूर्ण क्षति, धानमालफे नष्ट

पहुरा समाचारदाता
पहलमानपुर, १२ वैशाख । कैलालीके घोडाघोडी–११ टप्पामे खुशीराम चौधरीके घरमे विजली तार सट हुके आगलागि हुइल पाछे पूर्णरुपमे क्षति हुइल बा कलेसे घनमालफे जरके नष्ट हुृइल बा ।

आगलागीसे गोहुँ १० कुन्टल, धान १२ कुन्टल, कपरा एक लाख बराबरके, आलु पाँच बोरा, दाल २५ किलो चाउर एक कुन्टल सोन ढाई आना, चाँदी ५० हजार बराबरके पंसा, राइस कुकर,दराज, मिटरबक्स,कुर्सी टेबुल जारके नष्ट हुइल उहाँ बटैलै । नगद १० हजार, सरसमान ३५ सय रुप्याके नष्ट हुइल बा ।

आगलागि हुइलपाछे वडा सदस्य पार्वती कठरिया, नवलसिंह रावल, उमेश चौधरी, बुद्धिजिवी घनश्याम कठरिया, भल्मन्सा नन्दराम कठरियाके सहभगिता रहे । भोजके तयारीमे रहल घरमे आगि लागल रहे । आगलागी नियन्त्रण गाउँक भरिक मनै मिल्के करल पहलमानपुरके प्रहरी सहायक निरिक्षक बहादुरसिंह धामी बटैलै । दमकल बोलाइल मने डगर खराबीके कारण ढिला पुगल रहे ।