कैलारीके सिचाई गुुरुयोजनाबारे छलफल

पहुरा समाचारदाता
हसुलिया, १३ बैशाख । कैलारी गाउँपालिकाके सिचाई गुरुयोजनाबारे छलफल कैगिल बा ।

कैलारी गाउँपालिकाके आयोजनामे जलस्रोत तथा सिचाई विकास डिभिजन कार्यालय धनगढीके समन्वयमे गाउँपालिकाके सिचाई गुरुयोजनाबारे छलफल कैगिल हो । गाउँपालिका अध्यक्ष राजसमझ चौधरीके अध्यक्षतामे हुइल कार्यक्रममे उहाँ कैलारीमे सिचाईके सम्भावना ढेर रहल मने बजेटके अभावमे भारी सिचाई योजना निर्माण करे नइसेकलपाछे किसान सिचाईके अभाव झेले परल बटैलै । उहाँ कहलै, यहाँ ताल, खोलनाला, लडिया ढेर बा । यकर सदुपयोग करेसेक्ना सिचाईके प्रयाप्त सुविधा बा ।

ओस्टेक करके कार्यक्रममे वडा अध्यक्षहुकनसे वडामे सिचाईके अवस्था, समस्या लगायतबारे फारम भरगिल बा । कार्यक्रममे जलस्रोत तथा सिचाई विकास डिभिजन कार्यालय धनगढीके सिएओ कृष्ण कडायत, सिचाई विज्ञ आयूष पौडेल कार्र्यक्रममे सहजीकरण करले रहिट ।

वडास्तरसे आइल माग अनुसार सिचाईके अवस्थाके अनुगमनन करके प्रक्रिया आघे बह्रैना जलस्रोत तथा सिचाई विकास डिभिजन कार्यालय धनगढीके सिएओ कृष्ण कडायत बटैलै । कार्यक्रमके संचालन कैैलारी गाउँपालिकाके सामाजिक विकास शाखा प्रमुख यगम कलेल करल रहिट ।