धुलाम्य डगरमे ग्राभेलिङसहिट पानी पिच

जीवन चौधरी
पहलमानपुर, १६ बैशाख । कैलालीके घोडाघोडी नगरपालिका वडा नम्बर १२ के टमान धुलाम्य डगरमे ग्राभेलिङ करके पानी पिच कैगिल बा ।

वडाके बजेटसे टमान सडकमे ग्राभेलिङके साथे पानी पिच करल वडा अध्यक्ष रामदुलारे चौधरी बटैलै । शिवपुरमे ६ लाख बजेटमे ६ सय मिटर, खोपा टोलमे ६ लाख बजेटमे ५९० मिटर, नकफोडुवा टोलमे २ लाख ५० हजार बजेटमे २५० मिटर, बनबर्षा टोलमे ४ लाख बजेटमे ३२९ मिटर, कोटा टोलमे ७ लाख बजेटमे २२५ मिटर ओ शान्ति टोलमे १ लाख बजेटे १०० मिटर दुरीमे ग्राभेल करटी पानी पिच करल वडा अध्यक्ष चौधरी बटैलै । डगर मर्मत तथा स्तरोन्नतीके काम उपभोक्ता समिति मार्फत काम आघे बह्राइल रहे ।