कैलालीमे मिटर व्याज पीडितके तथ्याङक संकलन

पहुरा समाचारदाता
धनगढी, १६ बैशाख । जिल्ला प्रशासन कार्यालय कैलाली अनुचित लेनदेन (मिटर व्याज)से पीडितहुक्रनके तथ्याङक संकलनके लाग निवेदन आहवान करले बा ।

अनुचित लेनदेन (मिटरब्याज) सम्बन्धी जाँचबुझ आयोग, २०७९ से निवेदन आह्वान हुइल बमोजिम यी जिल्लाभिटर रहल अनुचित लेनदेन (मिटर ब्याज) से पिडितहुँक्रनके बैशाख १७ गतेसे ३१ गतेसम तथ्याङक संकलन करे लागल प्रशासकीय अधिकृत शिवराज जोशी बटैलै ।

मिटर व्याज पीडित प्रशासन कार्यालयमे अइलेसे कर्मचारीहुकनके सहयोगमे फाराम भरना व्यवस्था मिलाइल उहाँ बटैलै । पीडितहुँक्रे अपनठेन रहल सक्कु सबुत प्रमाणसहित प्रशासन कार्यालय परिसर भिटर स्थापना कैगिल अनुचित लेनदेन (मिटर ब्याज) पीडित सहायता कक्षमे टोकल ढाँचामे फाराम भरे पर्ना प्रशासकीय अधिकृत जोशी बटैलै ।