छावक हत्या आरोपमे बाबा पक्राउ

पहुरा समाचारदाता
धनगढी, १६ बैशाख । कैलाली जिल्ला धनगढी उमहानगरपालिका वडा नम्बर ६ मट्यारी बैठना बर्ष ४७ के महेशकुमार चौधरी अपन छावक हत्या आरोपमे पक्राउ परल बटै ।
जिल्ला प्रहरी कार्यालय कैलालीके अनुसार शनिच्चरके दुपहर सावा १२ ओर अपन छावा बर्ष २१ के अर्जुन चौधरीहे घरसे अन्दाजी १५० मिटर दुर बन्वामे ईटाले मुरीमे मारके घटना स्थलमे मुवल कना खबर प्राप्त हुईबेर वडा प्रहरी कार्यालय कैलालीसे प्रहरी निरिक्षक उपेन्द्र बहादुर बमके कमाण्डमे टोलि खटल रहे । महेश चौधरी अब्बे प्रहरीके नियन्त्रणमे बटै । कलेसे थप अनुसन्धानके लाग जिल्ला प्रहरी कार्यालयसे प्रहरी उपरिक्षक देवेन्द्र बहादुर पालके कमाण्डमे प्रहरी टोली खटल बा ।