मुक्तकमैयाके अधिकार यात्र कैलारी पुगल

दलित भूमि अधिकार यूनियन सुदूरपश्चिम प्रदेश ऐक्यबद्धता

पहुरा समाचारदाता
हसुलिया, १६ बैशाख । कैलालीके टीकापुरसे सुरु हुइल मुक्त कमैया, कमलरी ओ बुक्रहीहुकनके पुनःस्र्थापनाके अधिकार यात्रा कैलारीके विपतपुर पुगल बा ।

मुक्त कमैया समाजके नेतृत्वमे टमान माग धारके यहि २०८० बैशाख १४ गतेसे कैलालीके टीकापुर ओ कञ्चनपुरके भीमदत्तनगरसे एक्के साथ शूरु हुइल मुक्त कमैया, कमलरी ओ बुक्रहीहुकनके पुनःस्र्थापनाके लाग अधिकार यात्राके टिसरा दिन शनिच्चरके कैलाली जिल्लाके कैलारी गाऊँपालिका वडा नं. ७ बिपतपुरमे पुगल बा ।

उ यात्रामे राष्ट्रिय दलित नेटवर्क नेपाल ओ विपतपुर आगलागी पीडीत मुक्त कमैया लाभग्राही समुहके संयूक्त आयोजना ओ प्रदेश स्तरीय दलित भूमि अधिकार यूनियन सुदूरपश्चिम प्रदेशके संयोजनमे ऐक्यबद्धता तथा स्वागत कार्यक्रमके आयोजना कैगिल बा । उ ऐक्यबद्धता कार्यक्रममे बोल्टी राष्ट्रिय दलित नेटवर्क नेपाल महासचिव मोहन ओड कमैया मुक्ति घोषणाके २२ बर्ष बिटसेक्लेसेफे अभिनसमफे न्यायिक पुनःस्र्थापना हुई नइसेक्ना मुख्य दोषी सरकार रहल बटैलै । साथे उहाँ नेपालमे संघीयता ओ समावेशी विकास अबलम्बन हसेकल सन्र्दभमे मुक्त कमैया, कमलरी ओ बुक्रहीहुकनके न्यायिक पुनस्र्थापनाके लाग स्थानीय, प्रदेश ओ संघीय सरकारसे सामुहिक पहल कदमी लेहे पर्ना बाटमे जोर डेलै ।

उ अवसरमे बोल्टी दलित भूमि अधिकार युनियन सुदूरपश्चिम प्रदेशके संयोजक राजुराम भुल नेपाल सरकारसे कृषि बधुवा मजदुर मुक्त हरवाचरवा, हलिया, कमैयाहुकनके माग सरकारसे समयमे सम्बोधन करे नइसेक्लेसे साझा आन्दोलन मार्फत अपनेहुक्रे सिंहदरवार घेर्ना बाध्य हुइना चेतावनी डेलै ।

उ ऐक्यबद्धता कार्यक्रममे मुक्त कमैया समाज कैलाली अध्यक्ष भरत चौधरी, कैलारी गाऊँपालिका वडा नं. ७ के भलमन्सा शिवचरण चौधरी सम्बोधन करल रहिट । कार्यक्रमके सञ्चालन मुक्त कमैया समाजके केन्द्रीय अध्यक्ष पशुपति चौधरी करटी ऐक्यबद्धता कार्यक्रममे आयोजकहुकनहे धन्यवाद ज्ञापन करले बटै ।

मुक्त कमैया ओ कमलरीहुक्रनके न्यायिक पुर्नस्थापनके लाग बनल कमैया श्रमिक पुर्नस्थापना कार्यविधि २०७९ नेपाल सरकार मन्त्री परिषदसे पारित कैके उ अनुसारके कार्य आघे बह्रैना दवाव डेना उद्देश्यसे यात्राके आयोजना करल हो ।
बैशाख १४ गते कैलालीके टीकापुरसे सुरु हुइल यात्रा जानकी गाउँपालिका, लम्की चुहानगरपालिका ओ बर्दगोरिया गाउँपालिकामे कोणसभा सहितके कार्यक्रम हुइल रहे ।

बैशाख १५ गते बर्दगोरिया गाउँपालिका, घोडाघोडीके सुख्खड हुइटी भजनी नगरपालिकामे साइकल ¥याली सहित कोणसभाके कार्यक्रम हुइल रहे । बैशाख १६ गते भजनी नगरपालिका, कैलारी गाउँपालिकाके विपतपुर शिविर हुइटी गौरीगंगा नगरपालिकामे कार्यक्रम हुइल बा । कलेसे बैशाख १७ गते आज गौरीगंगा नगरपालिकाके बढैपुर, चौमाला हुइटी धनगढीके धुरझन्ना, श्रीलंकामे कोणसभा सहितके कार्यक्रम हुइना मुक्त कमैया समाजके केन्द्रीय अध्यक्ष पशुपति चौधरी जनैलै ।

नेपाल सरकार भूमि व्यवस्था सहकारी तथा गरिबी निवारण मन्त्रालयसे गठन करल मुक्त कमैया कमलरी हलिया ओ हरवाचरवा वस्तु स्थिति अध्ययन समितिके प्रतिवेदनके आधारमे निर्माण करल कमैया श्रमिक पुनस्र्थापना कार्यविधि २०७९ हे नेपाल सरकार मन्त्रिपरिषदसे पास कैके उ कार्यविधि बमोजिम शीघ्रादिशीघ्र कार्य सुरु कैना ओ शिक्षा, स्वास्थ्य, रोजगारी, सामाजिक सुरक्षा सहितके दीगो जीविकोपार्जनके सुनिश्चितता लगायतके माग रहल केन्द्रीय अध्यक्ष चौधरी बटैलै ।