प्रदेश सांसद कुँवरसे दुई लर्कन सरकारी विद्यालयमे भर्ना

पहुरा समाचारदाता
मसुरिया १८ बैशाख । सुदूरपश्चिम प्रदेश सभा सदस्य जानकी पौडेल कुँवर अपन २ जाने छावनहे सरकारी विद्यालयमे भर्ना करैले बटी । गौरीगंगा वडा नं ८ मे रहल जनप्रिय माध्यामिक विद्यालयमे उहाँ छावनहे भर्ना कराइल हुइट । देशभर विद्यार्थी भर्ना अभियान चल्टी रहल बेला प्रदेश सभा सदस्य कुँवर स्वयं विद्यालय पुगके छावनहे विद्यालयमे भर्ना कराइल हुइट ।

सामुदायिक विद्यालयमे शैक्षिक गुणस्तर सुधार करेक लाग शिक्षक, सरकारी कर्मचारी ओ जनप्रतिनिधिहुक्रे अनिवार्य रुपमे सामुदायिक विद्यालयमे छावाछाइ पढाई पर्ना विषयसे चर्चा पैटी रहल बेला सुदूरपश्चिम प्रदेश सभा सदस्य कुँवरसे अपन छावाहे सामुदायिक विद्यालयमे भर्ना कराइल हुइट ।

शिक्षामे डेखल विभेद अन्त्य कैना सामुदायिक विद्यालयमे नेता, सरकारी कर्मचारी तथा शिक्षकहुक्रे अपन छावाछाई भर्ना नइकरटसम सामुदायिक विद्यालयके शैक्षिक गुणस्तरमे प्रश्न कैना प्रवृत्तिहे निरुत्साहित कैना अपनही सुरुवात करे पर्ना कुवँर बटैली । सामुदायिक विद्यालयके शिक्षा गुणस्तरीय बनैना शिक्षक, कर्मचारी सहित उच्च ओहोदाके व्यक्ति अपन सन्ततीहे सरकारी विद्यालयमे भर्ना कैना उहाँ आग्रह करल हुइट ।