१ सय ५५ जाने विद्यार्थीनहे छात्रवृति

पहुरा समाचारदाता
धनगढी, २४ बैशाख । धनगढी उपमहानगरपालिका अन्र्तगत दुई ठो विद्यालयके १ सय ५५ जाने विद्यार्थीनहे छात्रवृति प्रदान करल बा । अँटवारके बुद्धीष्ट फाउण्डेसनके सहयोग ओ यार्ड नामक संस्थाके आयोजनामे छात्रवृति प्रदान करल हो ।

छात्रवृति प्रदेशके भौतिक पुर्वाधार विकास मन्त्री प्रकाश देउवासे एक कार्यक्रमके विच विद्यार्थीनहे हस्तान्तरण करल हुइट । कार्यक्रममे बोल्टी पुर्वाधार विकास मन्त्री देउवा गरिव जेहेनदार विद्यार्थीनहे छात्रवृति डेके मजा काम करल बटैलै ।

उहाँ सहयोगी संस्थाहे धन्यवाद डेटी शिक्षामे लगानी करलेसे केल देशके उन्नती हुइना उल्लेख करलै । उहाँ संघ संस्थासंगे तिनु तहके सरकारसे शिक्षामे लगानी बढाई पर्ना बटैलै ।