श्रमके सम्मान राष्ट्रके अभियान कार्यक्रम
पहुरा |
२६ बैशाख २०८०, मंगलवार
पहुरा समाचारदाता
हसुलिया, २६ बैशाख । कैलारी गाउँपालिका रोजगार सेवा केन्द्रके आयोजनामे श्रमके सम्मान राष्ट्रके अभियान कार्यक्रम मंगरके रोज हसुलियामे हुइल बा ।
कैलारी गाउँपालिकाके अध्यक्ष राजसमझ चौधरीके अध्यक्षतामे हुइल श्रमके सम्मान राष्ट्रके अभियान कार्यक्रम अन्र्तगत न्युनटम रोजगारीके लाग आवेदन तथा सामाजिक ओ आर्थिक उन्नतीमे टेवा पुगैना, कार्यक्रम ओ योजना छनौट कैना सम्बन्धमे छलफल कैगिल बा ।
कार्यक्रममे सहजीकरण सामाजिक विकास शाखा प्रमुख यगम कलेल करल रहिट । कार्यक्रममे गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत विरबहादुर ऐर, वडा अध्यक्ष, कार्यपालिका सदस्य, शाखाके प्रमुख तथा कर्मचारी विच अन्तरक्रिया बा ।
