निवेदन कैना जेठ सात गतेसम म्याद

पहुरा समाचारदाता
धनगढी, १ जेठ । कैलाली जिल्लामे १ सय ३ जाने मिटरव्याज पीडित जिल्ला प्रशासनमे निवेदन दर्ता करैले बटै ।

जिल्ला प्रशासन कार्यालय कैलालीके सूचना अधिकारी शिवराज जोशी बैशाख ३१ गतेसम १०३ जानृे मिटर व्याज पीडित निवेदन दर्ता कराइल बटैलै । जिल्ला प्रशासनसे सूचना प्रकाशित कैके अनुचित लेनडेन (मिटर व्याज) पीडितहुकनक लाग सबुद प्रमाणसहित यिहे बैशाख ३१ गतेसम निवेदन डेना आहवान कैले रहे ।

टोकल अवधिमे कोइ–कोइ छुटे सेकल हुइही कहटी एक चो आउर जेठ ७ गतेसम म्याद ठपलफे सूचना अधिकारी जोशी बटैलै । जिल्ला प्रशासन कार्यालयमे मिटर व्याज पीडित सहायता कक्ष स्थापना कैके निवेदन संकलन हुइटी रहल उहाँ बटैलै ।