स्रोत नइखुुलल ९ लाख भारुसहिट दुई जाने पक्राउ
पहुरा समाचारदाता
धनगढी, १ जेठ । स्रोत नइखुुलल ९ लाख भारुसहिट दुई जाने कैलाली जिल्ला धनगढी उपमहानगरपालिका वाड नम्बर ४ शहिदगेट ठेनसे पक्राउ परल बटै ।
सोम्मारके रोज साँझके पौने पाँच बजे अस्थायी प्रहरी पोष्ट बसपार्कके प्रहरी सहायक निरीक्षक निरीक्षक(असई) गजेन्द्रबहादुर चन्द नेतृत्वके टोलीसे पक्राउ करल हो ।
पक्राउ परुइयामे धनगढी उपमहानगरपालिका–१० जुुगेडाके २८ वर्षीय विजय राना ओ २९ वर्षीय अक्षय राना रहल बटै । धनगढीके एक व्यवसायीसे स्रोत नइखुलल रकम लेके मोटरसाइकलमे जुगेडाओर जैटी रहल विशेष सूचनाके आधारमे ओइनहे पक्राउ करल बा ।
ओइनठेनसे ९ लाख भारतीय रुप्या (पाँच सय दरके १८ सय नोट) ओ ४१ हजार (पाँच सय दरके ८२ नोट) नेपाली रुप्या बरामद करल बा । दुनु जानेक साथसे प्रहरीसे कुल नेपाली १४ लाख ८१ हजार रुप्या बरामद करल बा । पक्राउ परल दुनु जहनहे जिल्ला प्रहरी कार्यालयके हिरासतमे धारल बा । ओ ओइनहे आवश्यक कारवाहीके लाग राजश्व अनुुसन्धान विभाग नेपालगञ्जमे बुझैना कना बुझल जानकारीके लाग अनुरोध प्रहरी करले बा ।
