गुरुवाहुँक्रनहे जडीबुटी ओ योग तालिम

पहुरा समाचारदाता
धनगढी, २ जेठ । कैलाली जिल्लाके कैलारी गाउँपालिका वडा नम्बर ३ मे गुरुवाहुँक्रनहे जडीबुटि व योग तालिम डेजैटी रहल बा ।

आर्थिक बर्ष २०७९/०८० के लक्षित वर्ग अन्र्तगत कैलारी गाउँपालिका वडा नम्बर ३ के आर्थिक सहयोग ओ हसुलिया आयूर्वेद औषधालयके सहकार्यमे २५ जाने गुरुवाहुँक्रनहे जडीबुटी ओ योग तालिम डेजैटी रहल वडा सदस्य किसन चौधरी जनैलै ।

मंगरके रोजसे सुरु हुइलक उ तालिम वडा सदस्य सैतुराम चौधरीके घरगोस्यामे उदघाटन हुइलक हो । जेठ ५ गतेसम संचालन रना तालिममे सुभास शाह सहजीकरण कैटी रहल बटै ।