कैलाली जिल्ला सम्मेलनके तयारी पुरा
पहुरा |
३ जेष्ठ २०८०, बुधबार
पहुरा समाचारदाता
हसुलिया, ३ जेठ । नेपाली कांग्रेस कैलाली जिल्ला सम्मेलनके तयारी पुरा हुइल बा । यिहे जेठ ५ गते कैलारी गाउँपालिका वडा नम्बर ४ भितरियामे हुइना सम्मेलनके तयारी पुरा हुइल हो ।
१४ औं महाधिवेशनपाछेक पहिल जिल्ला सम्मेलन कैलारीमे हुई लागल काँग्रेस कैलालीके जिल्ला सचिव नृपबहादुर सुनार बटैलै ।
सम्मेलनमे २५ सय जाने जटराके सहभागिता रहना उहाँ बटैलै । सम्मेलनके उदघाटन पार्टी सभापति तथा पुर्व प्रधानमन्त्री शेरबहादुर देउवासे कैना हुइल बा ।
