समयमे काम सम्पन्न कैना निर्देशन

पहुरा समाचारदाता
हसुलिया, ४ जेठ । कैलारी गाउँपालिकामे चालु आर्थिक बर्षमे संचालित योजनाके अनुगमन तिव्र पारगिल बा ।

गाउँपालिकास्तरीय अनुगमन समितिके संयोजक तथा कैलारी गाउँपालिकाके उपाध्यक्ष भगवतीकुमारी चौधरी पालिकाभिटर संचालन हुइल योजनाके स्थल अनुगमन कैगिल करटी रहल बटैले बटी । चालु आर्थिक बर्षमे कोइ योजना ठेक्का, कोई उपभोक्ता मार्फत हुइटी रहल जनैली ।

अनुगमन समितिसे विफेक रोज कैलारी गाउँपालिका वडा नम्बर ५ सुनहरा ताल आधारभूत विद्यालय भवन निर्माणके अनुगमन कैगिल बा । यी भवन राष्ट्रपति शैक्षिक सुधार अन्र्तगत कैलारी गाउँपालिकाके पाँच लाख ओ राष्ट्रपति शैक्षिक सुधार अन्र्तगत साढे २२ लाख रुप्यामे भवन निर्माण हुइटी रहल बा । यी भवनके छल ढलानसम काम हुइल बा । प्लाटस्टर ओ झायल ढोकाके काम बाँकी बा । यी सर्शत अनुदान रहल ओरसे समय काम सम्पन्न कैना सुझाव डेहल योजना शाखा प्रमुख सन्तोषकुमार बटैलै । यिहे विद्यालयमे कक्षा ८ के अनुगमनफे कैगिल बा ।

वडा नम्बर ५ जबदहुवा हुइटी पलिका जैना डगरमे निर्माण हुइटी ररहल कल्भर्टके अनुगमन कैगिल बा । यकर बजेट १५ लाख ८० हजार रहल बा । यी योजनाके काम ६० प्रतिशत सम्पन्न हुइल बा ।

वडा नम्बर ५ के सडक स्तरोन्नती, वडा नम्बर ७ प्रधानमन्त्री रोजगार कार्यक्रम अन्र्तगत योजना कोठार सामुदायिक घरके अनुगमन हुइल बा । यकर काम ८० प्रतिशत हुइल बा । तराई मधेश कार्यक्रम कालोपटरेके लाग पालिकाके २० लाख ओ तराई मधेश कार्यक्रमके ३० लाख ठेक्काके अनुगमन कैगिल बा ।

प्रधानमन्त्री रोजगार कार्यक्रम अन्र्तगत वडा नम्बर १ के जैविक तटबन्धके अनुगमन हुइल बा । वडा नम्बर १ मे विल्डअन ओ कैलारी गाउँपालिकाके आर्थिक सहयोगमे जनता आधारभूत विद्यालयके भवनके अनुगमन कैगिल बा । यकर छट ढलानके काम सम्पन्न हुइल बा । मनाउ स्वास्थ्य चौकीकेफे अनुगमन कैगिल बा । जनता आधारभूत विद्यालयके कक्षा अवलोकन हुूइल योजना शाखा प्रमुख चौधरी बटैलै ।

ओस्टेक करके बुधके रोज अनुगमन समितिसे कैलारी गाउँपालिका वडा नम्बर ९ मे प्रधानमन्त्री रोजगार कार्यक्रम अन्र्तगत सिमराना गाउँके भरताल जंगल हुइटी उर्मी निकरना गौकनरी नालासम डगर पटानी ओ मर्मतके अनुगमन कैगिल रहे ।

अनुगमन समितिसे वडा नम्बर ७ स्थित तीन विद्यालयके कक्षाके अनुगमन कैगिल समिति संयोजक भगवतीकुमारी चौधरी बटैली । समितिसे पशुपति शिक्षा मन्दिरमे अनुगमन करटी प्रअहे विद्यालयके पर्खाल निर्माण, बोर्ड निर्माण नइहुइल, विद्यार्थीनहे बजारके खाजासेफे घरसे खाजा नन्ना, ओ खाजा खैना ठाउँके व्यवस्थापन कैना सुझाव डेहल उहाँ जनैली ।

राष्ट्रिय आधारभूत विद्यालय बसन्ताके कक्षा ७ ओ कक्षा ८ के अनुगमन करल बा । यहाँ विद्यार्थीके नाउँ ओ अभिभावकके नाउँ, मोवाइल नम्बरफे धारल बा । जनता आधारभूत विद्यालय रामपुरके कक्षा ३ ओ कक्षा ५ अनुगमन कैगिल बा । यहाँ विद्यार्थी कम डेखल ओरसे उपस्थिति बह्रैना सुझाव डेहल बा । ओस्टेक करके राष्ट्रिय मावि भुइयाफाँटाके कक्षा ६, ९ ओ १० के अनुगमन कैगिल बा । यहाँ विद्यार्थीनहे नियमित विद्यालय अइना सुझाव डेहल उहाँ बटैली । वडा नम्बर ७ स्थित प्रतिक्षालय निर्माणके अनुगमन कैगिल बा । यहाँ काम सम्पन्न हुइल बा ।

समितिसे कैलारी–७ स्थित जनता आधारभूत विद्यालय भवन मर्मत योजनाके अनुगमन करले बा यहाँ काम सम्पन्न हुइल बा । गाउँपालिका ओ विल्डअनके साझेदारीमे रामपुरमे रहल जनता आधारभूत विद्यालयके तीन कोठे भवन निर्माणके अनुगमन कैगिल बा । निर्माण कार्य जारी रहल भवनके छट ढलानके काम बाँकी रहल ओ काम निरन्तर रहल बा ।

वडा नम्बर ७ चन्द्रीका चौधरीके घर लग्गे कल्भर्टसे रामपुर क्लव घरसम सडक स्तरोन्नती माटी पटानीके काम सम्पन्न हुके ग्राभेल डारल डेखल बा । यहाँ ग्राभेल तत्काल पैmलाके उ योजना गाउँपालिकासे तोकल समयमे सम्पन्न कैना समितिसे सुझाव डेहल बा । वडा कार्यालयसे रेन्जपोष्ट हुइटी हुलाकी सडक बसन्तासम सडक ग्राभेलके अनुगमन करल बा । यम्ने माटी डारल मने ग्राभेलके काम बाँकी रहलओरसे काम समयमे सम्पन्न कैना सुझाव डेहल बा ।

राष्ट्रिय मावि भुइयाँफाँटाके भवन निर्माणके अनुगमन करल बा । विद्यालयके फर्निचर ओ भवनके रंगरोगन बाहेक काम सेकल बा । यहाँ फर्निचर ओ रंगरोगनके काम समयमे सम्पन्न निर्देशन समितिके संयोजक बटैली ।

समितिसे वडा नम्बर ९ स्थित रौराबाबा विद्युत सहकारी भवन निर्माणके अनुगमन करल बा । वडा–८ स्थित लक्ष्मी माविके गेट निर्माण, राष्ट्रपति शैक्षिक सुधार कार्यक्रम अन्र्तगतके भवन निर्माणके अनुगमन करल बा । वडा नम्बर २ स्थित बसौटी स्वास्थ्य चौकीके अनुगमन कैगिल बा । वडा नम्बर ३ स्थित सोहनपुरसे भारतके सिमनासम पाँच लाखके ग्राभेलके अनुगमन करल बा ।

अनुगमनमे समितिके संयोजक भगवतीकुमारी चौधरी, पूर्वाधार विकास संयोजक प्रेमबहादुर चौधरी, सदस्य सुनिला चौधरी, योजना शाखा प्रमुख सन्तोषकुमार चौधरी, रोजगार सहायक इन्द्रश्याम चौधरी, स.ई सुनिल चौधरी, स. ई रन्जितकुमार कठरिया रहल रहिट ।