विकासके काममे चासो रख्ना मजा हो मने गाउँपालिकाभिटर कौनो विवाद नइहो अध्यक्ष

पहुरा समाचारदाता
हसुलिया, १२ जेठ । कैलाली जिल्ला कैलारी गाउँकार्यपालिकाके कार्यालयसे पालिकाबासी विकासके काममे चासो रख्ना मजा बाट रहल मने पालिकाभिटर कौनो विवाद नइरहल अध्यक्ष राजसमझ चौधरी जनैले बटै ।

शुकके रोज गाउँपालिकासे विज्ञप्ती जारी करटी माग ओ मुद्दाके साथे विकासके कार्यमे चासो धारे सामाजिक सञ्जाल तथा अन्य माध्यमसे आम कैलारीवासीहे दिगभ्रमित कैना कार्यप्रति कैलारी गाउँपालिकाके गम्भिर ध्यान आकर्षण हुइल जनागिल बा ।
जेष्ठ ११ गतेके दिन कैलारी गाउंपालिकामे एक वर्षे कार्यकाल पुरा करल सन्र्दभमे एक वर्षमे हुइल करल कार्यके समिक्षा तथा आगामी आर्थिक वर्षके नीति तथा कार्यक्रमके तर्जुमाके लाग गाउँपालिकामे गा.पा. उपाध्यक्ष, वडा अध्यक्ष लगायत अन्य सरोकारवालासंग कैलारी गाउँपालिकाके समग्र विकासके लाग प्रजातन्त्रिक अभ्यासके माध्यमसे आपसी सल्लाह, समन्वय तथा सहकार्य नागरिक जीवनमे रुपान्तरणके लाग छलफल हुइल रहे ।

सामाजिक सञ्जाल लगायतके माध्यममे करल प्रचार तथ्यहिन रहल ओरसे विचलित तथा दिगभ्रमित नइहुइना अनुरोध करटी कैलारी गाउँपालिकाके सक्कु जनप्रतिनिधि विच गाउँपालिकाके विकास निर्माण तथा रुपान्तरणके सन्र्दभमे कौनोफे मेरिक असमझादारी तथा विवाद नइरहल विकासके कार्यके सन्र्दभमे व्यापक रूपमे आपसी छलफल करके कार्यान्वयन करटी आइल जानकारी करैटी गाउँपालिकाके विकासके सक्कु आयममे कैलारीबांसीहे सरोकारवाला निकायसे रचनात्मक सहयोग, पृष्ठपोषण ओ समन्वयके आपेक्षा करल बा ।