कर भ्याट समस्या समाधानके लाग ज्ञापन

पहुरा समाचारदाता
धनगढी, १२ जेठ । गैरसरकारी संस्था महासंघ नेपाल कैलालीसे मुनाफारहित कार्य कैना संस्थाहुकनके कर भ्याटके समस्या समाधानके माग ज्ञापन करटी जिल्ला प्रशासन कार्यालय ओ आन्तरिक राजश्व कार्यालयमे ज्ञपान पत्र बुझैले बटै ।

महासंघसे शुकके रोज कर भ्याटके समस्या समाधानके लाग ज्ञापनपत्र बुझाइल प्रदेश अध्यक्ष देवी खनाल बटैलै । राज्यके विकासमे मुख्य तीन ठो क्षेत्र सरकार, नीजि क्षेत्र ओ नागरिक समाजके भूमिका महत्वपूर्ण रहल उहाँ समाज कल्याण परिषदके ऐनके परिधिमे रहिके अनुदान तथा सहायता प्राप्त करके काम करटी आइल बटैले बटै ।

नेपालके संविधान मौलिक हकके धारा १७ स्वतन्त्रताके हक उपधारा २ (घ) बमोजिम तथा संघ संस्था दर्ता ऐन २०३४ अनुरूप मुनाफा नइकमैना तथा नइबाँटना करके नागरिक समाजके भूमिका निर्वाह करटी साझेदारी, पहरेदारीर खबरदारी करटी समाज रुपान्तरणके क्षेत्रमे सचेतना, सशक्तिकरण, सामाजिक न्याय, समानता, गरिबी न्यूनीकरण, विपद्के समयमे उद्धार, राहत, पूनर्निमाणके सवाल ओ वातावरणीय क्षेत्रमे सामाजिक संघसंस्थाके महत्वपूर्ण योगदान रहल बाट ज्ञापनपत्र मार्फत स्मरण कराइल बा ।

नाफा नकमैना ओ नइबाँटना सामाजिक संस्था आयकर ऐन २०५८ के दफा २ (घ) से यैसिन संस्थाहे कर छुट हुइना संस्थाके रुपमे परिभाषित करल ओ आयकर नियमावली २०५९ के नियम २७ बमोजिम कर छुट प्रमाणपत्र समेत लेटी आइल बटै ।
सामाजिक संघसंस्थासे समाज कल्याण परिषदमे आवद्ध हुके समाज कल्याण ऐन २०४९ के दफा १६ के सीमा ओ परिधिभिटर रहिके अनुदान तथा सहायता प्राप्त करके समाज कल्याण परिषदके स्वीकृतिमे कार्यक्रम सञ्चालन करटी आइल बटै ।
पछिल्का चरणमे नेपाल सरकारके आन्तरिक राजस्व कार्यालयसे सामाजिक संस्थासे प्राप्त करल वैदेशिक सहयोग अनुदानमे भ्याट लगैना ओ संस्थाके आर्थिक वर्षके अन्तिम मौजदातहे नाफा कहिके आयकर समेत लेना करके पत्राचार करटी नागरिक संघ संगठन उप्पर घुमाउरो पाराले प्रतिबन्ध लगाई खोजल ओ नेपाली नागरिक संघ संस्थाहे बन्द करे खोजलप्रति गैरसरकारी संस्था महासंघ नेपालके गम्भीर ध्यानाकर्षण हुइल जनैले बा ।

मुनाफारहित कार्य कैना सामाजिक संघ संस्थाके अनुदानमे कर नइलग्ना विश्वव्यापी ओ नेपाल सरकारके मान्यता अनुसार सरकारके नीति नियम भिटर रहिके सरकारके सहयोगीके रुपमे असहाय तथा पाछे परल वर्ग समुदायके उत्थानके लाग कार्य कैना सामाजिक संघ संस्थासे प्राप्त करल अनुदान रकममे लगाइल कर भ्याटके समस्या हल कैना २०७५ सालके आर्थिक ऐन आ.व. ०८०÷८१ के आर्थिक ऐनमेफे मुनाफारहित सामाजिक संघ संस्थाके आयकर, मु.अ.कर, अन्य कर, जरिवाना, थप दस्तुर, शुल्क तथा ब्याज बुझाउन नइपर्ना या मिनाहा हुइना साथे मुनाफारहित सामाजिक संघ संस्था भ्याटमा दर्ता हुई पर्ना व्यवस्था खारेज करके समस्याके समाधान कैना ज्ञापनपत्र बुझैटी आग्रह करल बा ।