विपन्न तथा सिमान्तकृत एकल महिलाके बालबालिकनहे निशुल्क शैक्षिक सामाग्री वितरण
पहुरा |
१३ जेष्ठ २०८०, शनिबार
पहुरा समाचारदाता
हसुलिया, १३ जेठ । मानव अधिकारका लागि महिला तथा एकल महिला समुह सुदूरपश्चिम प्रदेशसे कैलारीके विपन्न तथा सिमान्तकृत एकल महिलाके बालबालिकनहे निशुल्क शैक्षिक सामाग्री वितरण कैगिल बा ।
कुरवे वुष्ट्रोके आर्थिक सहयोगमे मानव अधिकारका लागि महिला एकल महिला समुहसे बालबालिकाहुकनहे निशुल्क शैक्षिक सामाग्री हस्तान्तरण करल शान्ती परियोजना संयोजक वेद अवस्थी बटैली । शैक्षिक सामाग्री हस्तान्तरण कैलारी गाउँपालिकाके अध्यक्ष राजसमझ चौधरीके वडका पहुना ओ मानव अधिकारका लागि महिला तथा एकल महिला समुह सुदूरपश्चिम प्रदेश अध्यक्ष सुमन शर्माके अध्यक्षतामे हुइल रहे ।
सामाग्री हस्तान्तरण कार्यक्रम गाउँपालिकाके प्रमुख प्रशासकीय अधिकृत विरबहादुर ऐर, सामाजिक विकास शाखा प्रमुख यगम कलेल, महिला तथा बालबालिका शाखा प्रमुख बालकुमारी चौधरीलगायतके सहभागिता रहे ।
