वातावरण दिवसके अवसरमे कैलारीमे सरसफाई कार्यक्रम

पहुरा समाचाारदाता
हसुलिया, २२ जेठ । विश्व वातावरण दिवसके अवसरमे आज कैलारी गाउँपालिकाके सदरमुकम हसुलिया बजार वरपार सरसफाई कार्यक्रम कैगिल बा ।

कैलारी गाउँपालिकाके आयोजनामे ‘पृथ्वीको संरक्षणः दिगो प्रकृति मैत्री जीवनयापन’ ५१ औं विश्व वातावरण दिवसके अवसरमे प्लाष्टिक जन्य फोहर व्यवस्थापन तथा हसुलिया बजार सरसफाई अभियान कना नाराके साथ सरसफाई कार्यक्रमके आयोजना कैगिल हो ।

गाउँपालिका अध्यक्ष राजसमझ चौधरी वातावरण सफा रख्न कहल मानव जीवन स्वस्थ रहना बटैलै । उहाँ कहलै, यथार्थहे आत्मसाथ करटी सरसफाई कार्यक्रम आयोजना करल हुई । यी अभियान निरन्तर चल्ना उहाँ बटैलै ।

सरसफाई कार्यक्रममे गाउँपालिका उपाध्यक्ष भगवतीकुमारी चौधरी, साहस नेपाल, दलित महिला अधिकार मञ्च नेपाल, सीसीएस, ओरेक नेपाल, हसुलिया बजार व्यवस्थापन समिति, कैलारी उद्योग वाणिज्य संघ, कालिका इंगलिस बोर्डिङ स्कूल लगायतके सहभागिता रहल रहे ।