प्रजनन स्वास्थ्य तथा अधिकार विषयक मिडिया सचेतना गोष्ठी
पहुरा समाचारदाता
धनगढी, २५ जेठ । प्रजनन स्वास्थ्य तथा अधिकार विषयक मिडिया सचेतना गोष्ठी विफेक रोज धनगढीमे निम्जल बा ।
विकासका लागि युवा ऐक्यबद्धता (यार्ड) कैलालीके आयोजनामे राइट हिअर राइट नाउ परियोजना अन्र्तगत संचारकर्मीहुकनसे प्रजनन स्वास्थ्य तथा अधिकार सचेतना गोष्ठी कैगिलक हो । विकासका लागि युवा ऐक्यबद्धता (यार्ड) कैलालीके अध्यक्ष बंसीराम चौधरी (स्माइल) संस्था वि.सं. २०६७ मे स्थापना हुके युवा, महिला तथा वालवालिकाके क्षेत्रमे कार्य करटी आइल जनैलै ।
संस्था युवा सहभागिताके सुनिश्चितता, युवा अधिकार ओ सवालमे पैरवी, युवा ÷ संस्थाके क्षमता अभिवृद्धि कैना, विपद् जोखिम न्यूनीकरण, जातीय ओ लैगिंक भेदभाव, महिला सशक्तिकरण, बाल अधिकार तथा गुणस्तरीय शिक्षाके क्षेत्रमे कैलाली, कञ्चनपुरके ३ ठो स्थानीय तहमे राइट हिअर राइट नाउ (च्ज्च्ल्द्द) परियोजना अन्र्तगत टमान मेरिक कार्यक्रम करटी आइल अध्यक्ष बटैले ।
संस्थाके महेन्द्र शाही परियोजनाके उद्देश्य किशोरकिशोरी तथा युवाहुकनके अपन यौन तथा प्रजनन् स्वास्थ्य ओ अधिकारके विषयमे पुर्ण जानकारीसहित सही निर्णय लेना सक्षम हुइना, युवाहुकनके यौन तथा प्रजनन् स्वास्थ्य ओ अधिकार क्षेत्रमे काम कैना संघसंस्थासे अधिकार मुखी कार्यक्रम संचालन कैनाके साथे निर्णय प्रक्रियामे युवाहुकनके अर्थपुर्ण सहभागिता सुनिश्चित कैना सक्षम हुइना कहल बा ।
ओस्टेक करके जनमानसमे बृहत्तर यौनिकता शिक्षाके महत्व विषयमे सचेतनाके विकास हुके युवाहुकनके यौन तथा प्रजनन् स्वास्थ्य ओ अधिकार सुनिश्चित कैना पैरवीके थालली कैना, विद्यालय भिटर ओ बाहेर रहल बालबालिका तथा युवाहुकनके लाग प्रभावकारी मुल्यांकन सहित वृहत यौनिकता शिक्षा अनिवार्य रुपमे उपलब्ध हुइना परियोजनासे लक्ष्य लेहल शाही बटैलै ।
परियोजना कैलालीके धनगढी उपमहानगरपालिका, गोदावरी नगरपालिका ओ कञ्चनपुर जिल्लाके कृष्णपुर नगरपालिकामे माध्यमिक तह (कक्षा ९—१२) के १५ से ३० बर्ष उमेर समुहके लक्षित कैके विद्यालय तहमे कार्यक्रम करटी आइल बटै ।
कार्यक्रममे सुदूरपश्चिम प्रदेश स्वास्थ्य निर्देशनालयके निर्देशक डा. जगदीश जोशी सुदूरपश्चिम प्रदेशमे यौन तथा प्रजनन स्वास्थ्य अधिकार, लिंग ओ अपांगताके अवस्थाबारे कार्यपत्र प्रस्तुत करल रहिट । ओस्टेक करके अग्रज पत्रकार मनमोहन स्वाँर यौन तथा प्रजनन स्वास्थ्य अधिकारमे मिडियाके भूमिकाबारे कार्यपत्र ओ छलफल करैले रहिट ।
