प्रदेश स्तरिय बालअधिकार चेतना समुहके बैठक निम्जल
पहुरा समाचारदाता
धनगढी, २७ जेठ । सुदूरपश्चिम प्रदेशस्तरीय बालअधिकार चेतना समुहके बैठक शुकके रोज धनगढीमे निम्जल बा ।
अनौपचारिक क्षेत्र सेवा केन्द्र(इन्सेक) सुदूरपश्चिम प्रदेश संयोजक खडकराज जोशी बालबालिका मानसिक, शारीरिक ओ सम्बेगात्मक रुपमे कमजोर हुइना कारण बालअधिकार चेतना समुहके पदाधिकारीहुक्रे सामुहिक रुपमे अपने सचेत हुके पढाईसंगसंगे घर, टोल ओ विद्यालयमे हुइना बाल हिंसा, बालश्रम, बालविवाह जैसिन विषयमे सचेतना फैलैना काम कैनामे साथे विद्यालय बाहिरके बालबालिकाहे विद्यालयके पहुँचमे नन्ना शिक्षक ओ अभिभावकहे प्रेरित करे पर्ना बटैलै ।
डिसिए परियोजनाके परियोजना संयोजक किरण पौडेल बालअधिकार चेतना समुहके पदाधिकारीहुक्रे विद्यालय तथा समुदायमे डेखल समस्याहे पहिचान करके समुमे छलफल करके सामुहिक रुपमे समाधानके उपाय अपनाईबेर सहज हुइना बटैलै ।
बालअधिकार चेतना समुहके प्रदेश अध्यक्ष आरती सेटी इन्सेकसे संचालित कार्यक्रम वाहेक बिद्यालयमे नियमित अतिरिक्त कृयाकलाप ओ विद्यालयमे विद्यार्थी समस्यामे परके अपन समस्या दर्शाई नइसेकुइया लाग लिखके गुनासो पेटिकामे रख्न व्यवस्था करल बटैलै ।
बालअधिकार चेतना समुहके प्रदेश सदस्य एलिजा चौधरी बालअधिकार चेतना समुहके सडक नाटक प्रदर्शन पाछे विद्यालय वरपर ओ चोकमे रातसम जाँडरक्सी खाके हल्ला करुइयाके संख्यामे कमी हुइल बटैलै । बालअधिकार चेतना समुहके प्रदेश उपाध्यक्ष बिमल लामिछाने विद्यालयमे बालअधिकार चेतना समुह गठन हुसेकलपाछे शिक्षकके सहयोगमे वातावरण संरक्षणके लाग नियमित सरसफाई ओ प्लाष्टिक निषेध कैना विद्यार्थीहुकनहे डस्तविनके प्रयोग करे सिखैटी रहल बटैलै ।
बालअधिकार चेतना समुहके प्रदेश सदस्य अनमीका चौधरीसे अपनसे छोट भैया बहिनीयहे साबुन पानीसे हात धुइना सिखैना धारामे साबुन धारडेहल ओ बालअधिकार चेतना समुह गठन हुसेकलपाछे विद्यालयमे कक्षा छोरके भग्ना विद्यार्थीके संख्यामे कमी हुइल बटैलै ।
बालअधिकार चेतना समुहके प्रदेश कोषाध्यक्ष निशा सञ्ज्यालसे आर्थिक रुपमे विपन्न विद्यालयमे पह्रटी रहल मुटुके रोगी विद्यार्थीहे बालअधिकार चेतना समुहके निर्णय करके चन्दा संकलन करके आर्थिक सहयोग प्रदान करल बटैलै ।
