युनिक नेपालसे तरकारी खेती तालिम सञ्चालन
पहुरा समाचारदाता
हसुलिया, ३० जेठ । युनिक नेपाल लघुवित्त वित्तीय संस्था लि. शाखा कार्यालय हसुलियके आयोजनामे व्यवसायिक तरकारी खेती तालिम सुरु हुइल बा ।
सोम्मार एक कार्यक्रमके विच कैलारी गाउँपालिकाके हसुलियामे व्यवसायिक तरकारी खेती तालिम सुरु हुइल हो । २ दिन सम संचालन हुइना कार्यक्रमके सहजीकरण तथा प्रशिक्षण कैलारी गाउपालिका कृषि विकास शाखाके नायब प्राबिधिक सहायक रामबहादुर चौधरी करटी रहल बटै ।
कार्यक्रममे युनिक नेपाल लघुवित्त वित्तीय संस्था लि. शाखा कार्यालय हसुलिया शाखा प्रमुख निर्मल रैका तालिमके उदेश्य उप्पर प्रकाश परटी व्यवसायिक तरकारी खेती तालिमसे कुछ कैना ओ सोच बनाइल मने तालिमके खोजीमे रहलहुकनहे तरकारी खेती तालिमसे भारी मद्दतके साथे तरकारी खेती करटी रहलहुकनके थप सिकाईसंगे पुनार्तजगी हुइना बटैलै ।
युनिक नेपाल लघुवित्त वित्तिय संस्था लि से २०५७ सालसे पाछे पारल वर्ग थारु, दलित, मुस्लिम, आदिवासी, जनजाती, सिमान्तकृत समुदाय गरिबीके रेखा टरे रहल महिला डिडीहुकनहे लघुवित्त कार्यक्रमसे आर्थिक रुपमे सवलीकरण कैना ओ क्षमता अभिवृद्धि कैना ग्रामीण क्षेत्रमे कार्य करटी आइल उहाँ बटैलै ।
हाल युनिक नेपाल लघुवित्त वित्तिय संस्था लि.संग करिब ९५ हजारसे ढेर महिलादिदी बाबु लघुबित्त सेवा लेटी समुहमे बैठल बटै । युनिक नेपाल लघुवित्त वित्तिय संस्था लि. कैलाली, कञ्चनपुर, बाँके, बर्दिया, दाङ, कपिलवस्तु, करके ६ ठो जिल्लामे ४२ ठो शाखा मार्फत सेवा करटी आइल बा ।
तालिममे कैलारी गाउँपालिका ओ धनगढी उपमाहानरपालिकामे रहल युनिकके सदस्य करिब ४२ जाने महिला दिदी बाबुनके सहभागिता रहल बा ।
