अनुगमन समितिसे योजनाके अनुगमन

पहुरा समाचारदाता
हसुलिया, ३१ जेठ । कैलारी गाउँपालिकामे चालु आर्थिक बर्षमे संचालन हुइल योजनाके अनुगमन कैगिल बा ।

गाउँपालिका स्तरीय अनुगमन समितिके संयोजक भगवतीकुमारी चौधरीके नेतृत्वमे मंगरके रोज दुई ठो योजनाके कैगिल हो ।

समितिसे कैलारी–९ मे घुरहा लडिया गदरीया रानाटोल खैैराना नर्सरी बेलडगा सामुदाियक वनके पूर्वउत्तरमे ७ लाख रुप्यामे निर्माण कैगिल जैविक तटबन्धनके अनुगमन कैगिल बा । यी योजना सम्पन्न हुइल बा ।

ओस्टेक करके कैलारी ९ के २४ लाख बजेटमे निर्माण हुइटी रहल रौरा बाबा विद्युत सहकारी भवनके अनुगमन कैगिल बा । यहाँ छटसमके लेन्टरके काम हुइल बा ।

अनुगमनमे समितिके संयोजक भगवती कुमारी चौधरी, वडा अध्यक्ष खेमराज चौधरी, पुर्वाधार विकास समिति संयोजक प्रेमबहादुर चौधरी, अनुगमन समिति सदस्य सुनिला चौधरी, योजना शाखाके प्रमुख सन्तोषकुमार चौधरी, अ.स.ई हिमाल कुश्मी, रोजगर सहायक इन्द्रश्याम चौधरी लगायतके सहभागिता रहे ।