भन्सार छलिके समान बरामद

पहुरा समाचारदाता
धनगढी, २ असार । कैलाली जिल्लाके टमानत ठाउँसे भन्सार छलि करके ल्यानल समान बरामद कैगिल बा ।

आज सकारे १० बजे कैलाली धनगढी उप–महानगरपालिका ३ चटकपुरके पाछे गल्लीमे जिल्ला प्रहरी कार्यालयसे खटल मोटरसाइकल गस्ती टोली भारतसे भन्सार छलि करके ल्यानल समान बरामद कैगिल बा ।

बरामद हइल समान एसि थान १ अन्दाजी मोल ५७ हजार ६०० बराबरके सामान बरामद, दुपहर १२ बजे धनगढी उप–महानगरपालिका २ ट्राफिक चौराह लग्गे भारतसे भन्सार छलि करके ल्यानल अन्दाजी मोल ९ हजारके बराबरके सामान बरामद करल जिल्ला प्रहरी कार्यालय कैलाली जनैले बा ।

ओस्टेक करके शनिच्चरके रोज सकारे साढे १० बजे कैलालीके भजनी न.पा.५ स्थित हलुंगाघाट लग्गेक बनुवामे ईलाक प्रहरी कार्यालय भजनीसे प्रहरी निरिक्षक मानसिंह ऐरीके कमाण्डमे ओ ईलाका प्रहरी कार्यालय पृथ्वीपुरसे खटल प्रहरी वरिष्ठ नायव निरिक्षक लोकेन्द्र्र बहादुर चन्दके कमाण्डमे खटके गैल संयुक्त गस्ती टोली से.४प.१४१२ नं.के मोटरसाइकल ओ सामानसहितके अन्दाजी मोल रु.१ लाख ६१ हजार ५० रुप्या करके जम्मा मोल २ लाख २७ हजार ६५० बराबरके भन्सार छलिके समान बरामद करल बा ।