विपद पूर्व तयारी तथा प्रतिकार्य योजनाके समिक्षा

पहुरा समाचारदाता
हसुलिया, ४ असार । कैलाली जिल्लाके कैलारी गाउँपालिकामे विपद पूर्व तयारी तथा प्रतिकार्य योजनाके समिक्षा अध्यावधिक कार्यशाला निम्जल बा ।

विपदके क्षेत्रमे कार्य करटी आइल हेविटयाट नेपाल, नेपाल रेडक्रम सोसाइटी, याक नेपाल, आरडिएन नेपाल, मर्सिक्रोप्स लगायत संघसस्थाके सयूक्त आयोजना तथा कैलारी गाउँपालिकाके समन्वयमे विपद पूर्व तयारी तथा प्रतिकार्य योजनाके समिक्षा अध्यावधिक कार्यशाला हुइल हो ।

गाउँपालिका अध्यक्ष राजसमझ चौधरीके अध्यक्षतामे हुइल कार्यक्रममे उहाँ विपद न्यूनिकरणके लाग सक्कु जानेक समन्वय आवश्यक रहल बटैल्ै । पालिकामे गठन हुइल विपद पूर्व तयारी तथा प्रतिकार्य समितिके सक्कु जाने सक्रिय हुइलेसे केल विपदहे न्यूनिकरण करे सेक्ना उहाँ कहलै ।

कार्यक्रममे गाउँपालिका उपाध्यक्ष भगवतीकुमारी चौधरी, वडा अध्यक्ष, कार्यपालिका सदस्य, टमान शाखाके प्रमुख, सरोकारवाला निकायके प्रतिनिधिहुकनके सहभागिता रहे । कार्यक्रममे दिनेशचन्द्र जोशी करल रहिट ।