लैगिंक उत्तरदायी बजेटबारे अन्तरक्रिया

पहुरा समाचारदाता
हसुलिया, ४ असार । कैलालीके कैलारी गाउँपालिकामे लैंगिंक उत्तरदायी बजेट तथा सामाजिक समावेसीमैत्री स्थानीय शासन प्रबद्र्धन सम्बन्धी अन्तरक्रिया कार्यक्रम निम्जल बा ।

संघीय मामिला तथा सामान्य प्रशासन मन्त्रालय सामाजिक समावेशीकरण तथा सामाजिक सुरक्षा शाखा सिंहदरबार काठमाण्डौके आयोजनामे हुइल कार्यक्रम गाउँपालिका उपाध्यक्ष भगवतीकुमारी चौधरीके अध्यक्षतामे हुइल रहे ।
कार्यक्रममे प्रमुख प्रशासकीय अधिकृत वीरबहादुर ऐर, संघीय मामिला मन्त्रालयके दशरथ ओड, सुभेद्रा सुवेदी प्रशिक्षण डेहल रहिट ।

कार्यक्रममे वडा अध्यक्ष, जनप्रतिनिधि, टमान शाखाके प्रमुख तथा कर्मचारीहुकनके सहभागिता रहल रहे । कार्यक्रमके संचालन सामाजिक विकास शाखा प्रमुख यगम कलेल करले रहिट ।