खाद्य अधिकार तथा खाद्य सुरक्षा विषयक छलफल तथा अन्तरक्रिया कार्यक्रम

पहुरा समाचारदाता
हसुलिया, ५ असार । कैलारी गाउँपालिका अन्तरगतके कृषक ओ खाद्य अधिकार सञ्जालके सदस्य बिच खाद्य अधिकार तथा खाद्य सुरक्षा बिषयक छलफल तथा अन्तरक्रिया कार्यक्रम हसुलियामे निम्जल बा ।

राष्ट्रिय कृषक समुह महासंघ नेपाल सुदुरपश्चिम प्रदेश कार्यसमिति धनगढी, कैलालीके आयोजक, कैलारी गाउँपालिकाके समन्वय तथा परिवर्तनका लागि कार्यरत युवा समुह, नेपाल (याक नेपाल)के आर्थिक तथा प्राविधिक सहयोग ओ सहयोगी हातहरुको समुह (सहास) नेपालके सहकार्यमे पालिका स्तरीय कृषक सहुहसे छलफल तथा अन्तरक्रिया करल हो ।

कैलारी गाउँपालिकाके अध्यक्ष राजसमझ चौधरीके वडका पहुनामे हुइल कार्यक्रममे उहाँ कैलारीके किसान बाढ डुबानसे पीडित हुइलओरसे मालपोतमे आधा छुटके व्यवस्था करल बटैलै । समयमे मल विउ नइपैना, सिचाईके अभाव रहल बा, उहाँ कहलै, कैलारीमे चैत धानखेती कैना योजना रहे । मने सिचाईके अभावमे यी बरस धनखेती सोचल जैसिन विस्तार करे नइसेकल हो । अइना बरस चैतधान खेती कैना बटैलै । उत्पादन बह्राईक लाग किसानहुकनहे उन्नतजातके विउमे ध्यान डेना आग्रह करलै ।

जि टु जी परियोजना अन्र्तगत यहाँ २० ठो विद्यालयमे भन्सा घर ओ स्थानीय उत्पादनहे जोर डेटी खाजा नाष्टाके सहयोग हुइना उहाँ बटैलै । कैलारीमे किसान सुचिकृतके काम आघे बह्रल कहटी किसानहुकनहे कृषि विमा कैनामे ध्यान डेना बटैलै ।

कैलारी गाउँपालिका कृषि शाखा प्रमुख मैया चौधरी पालिकासे थारु आलु उत्पादनके लाग १० लाख, तेल्हन बाली पकेट विकास निरन्तरता ६ लाख, किसान सुचिकरण २ लाख ५० हजार, खाद्य बालीके उन्नत विउमे अनुदन १० लाख ७५ हजार, मकै १० लाख ओ रैथाने बालीमे ५ लाख बजेट विनियोजना हुईल बटैलै ।

राष्ट्रिय कृषक समुह महासंघ नेपाल सुदुरपश्चिम प्रदेश संयोजक प्रकाश थापाके अध्यतामे हुइल कार्यक्रममे उहाँ गाउँपालिका स्तरीय राष्ट्रिय कृषक महासंंघ कार्यसमितिहे कृषकके हकमे काम कैना आग्रह करल रहिट । रासायनिक मलसे जमिनहे विगारसेकल कहटी प्रांगरिक मल ओ अर्गायनिक टिना अन्नवालीमे कृषकहे ध्यान डेना आग्रह करलै । रैथाने स्थानीय जातके विउफे हेरैटी गैेल ओरसे कृषकहे ओहोरफे ध्यान डेहे पर्ना जरुरी रहल बटैलै ।

कार्यक्रममे सहजीकरण करटी याक नेपालके परियोजना अधिकृत विनोद सिह अन्नवालली, टिनाटावन उत्पादन करुइया किसान रहल मने सबसे पीडित ओइनेहे रहल बटैलै । कृषकसे अन्नवाली टिनाटावनके मोल नइपैना भारतिया उत्पादनसे परिपर्धा करेबेर लागल मोलसे कममे बेचे पर्ना अ अवस्था रहल बटैलै । ओस्टेक करके याक नेपालके बरिष्ठ कार्यक्रम अधिकृत दिपकराज ओझा ओ सर्जु प्रसाद चौधरीफे सहजीकरण करल रहिट ।

यिहे विच महेन्द्रकुमार चौधरीके अध्यक्षतामे नौ सदस्यीय गाउँपालिका स्तरीय राष्ट्रिय कृषक महासंंघ कार्यसमिति गठन कैगिल बा । समितिके उपाध्यक्षमे गीता खडका, सचिवमे राजकुमार चौधरी, सहसचिववमे विमला चौधरी ओ कोषाध्यक्षमे पवित्रा चौधरी रहल बटै ।

ओस्टेक करके सदस्यमे दुर्गा प्रसाद चौधरी, मन्टी चौधरी, बेली चौधरी ओ गंगाराम महत रहल बटै । कलेसे जिल्ला प्रतिनिधिमे सीता चौधरी, आशा चौधरी रहल बटै । प्रदेश प्रतिनिधिमे माया चौधरी, मनोज चौधरी रहल बटै । नव गठित कार्यसमितके सक्कु जनहनहे राष्ट्रिय कृषक समुह महासंघ नेपाल सुदुरपश्चिम प्रदेश संयोजक प्रकाश थापा सपथ ग्रहण करैले रहिट ।