आधारभूत सिलाई कटाई तालिम

पहुरा समाचारदाता
हसुलिया, ६ असार । कैलारी गाऊँपालिका उद्यम विकास शाखाके आयोजनामे तीन महिने सिलाई कटाई तालिम निम्जल बा ।

गरिबी निवारणका लागि लघु उद्यम विकास कार्यक्रम मेड्पा अन्तर्गत ८ दिने उद्यमशीलता विकास तालिम पासेकल वार्ड नं ५ ओ ७ के सम्भावित उद्यमीहुकनहे माग तथा सम्भाव्यतामे आधारित आधारभूत सिलाई कटाई सीप विकास तालिम सञ्चालन डेहल हो । तालिम समापन कार्यक्रमके कैलारी गाउँपालिका उपाध्यक्ष तथा न्यायिक समिति संयोजक भगवतीकुमारी चौधरी वडका पहुना रहिट ।

कार्यक्रममे बोल्टी उहाँ सीपके सदुपयोग करके आम्दानीके स्रोत बह्राई सेक्ना बटैली । उहाँ हम्रे अपन ओ घरपरिवारके सदस्यहुकनके घल्ना कपरा सिए सेक्लेसे ढेर पैसा बचत करे सेक्ना बटैली । सिलाई कटाईमे कमाई मजा रहल कहटी यिहीहे व्यावसायिक रुपमे संचालन कैना उहाँ आग्रह करली ।

कार्यक्रममे कैलारी गाउँपालिका योजना शाखा प्रमुख सन्तोषकुमार चौधरी, लगायत मन्तव्य व्यक्त करल रहिट । कैलारी गाउँपालिकाके वाड नं ५ के महिला वडा सदस्य अनारकली चौधरीके अध्यक्षतामे हुइल कार्यक्रममे दलित वडा सदस्य पवित्रा परियार, वडा नम्बर ७ दलित महिला वडा सदस्य आरती विक, प्रधानमन्त्री रोजगार सहायक रन्जित कठरियालगायत सहभागिता रहे । कार्यक्रमके संचालन कैलारी गाऊँपालिका उद्यम विकास शाखाके प्रमुख प्रदिप चौधरी ओ स्वागत मन्तव्य निर्मला चौधरी करल रहिट ।
थ्यग कभलत