अन्तर्राष्ट्रिय एकल महिला दिवसके अवसरमे निःशुल्क रगत परीक्षण
पहुरा समाचारदाता
धनगढी, ८ असार । १३ औं अन्तर्राष्ट्रिय एकल महिला दिवसके अवसरमे धनगढी हसनपुरस्थित निसर्ग हस्पिटल एण्ड रिसर्च सेन्टर ३५ जहनसे ढेर एकल महिलाहुकनके निःशुल्क रगत परीक्षण ओ परामर्श करले बा ।
‘लैंगिक समानताके लाग नवप्रवर्तन ओ प्रविधि’ कना नारासहित कुर्वे वुस्ट्रोके आर्थिक सहयोगमे निसर्ग अस्पतालके सहकार्यमे मानव अधिकारका लागि महिला एकल महिला समुह सुदूरपश्चिम प्रदेशके आयोजनामे निःशुल्क रगत परीक्षण कार्यक्रम हुइल रहे ।
कार्यक्रममे सुदूरपश्चिम प्रदेश सभा सदस्य खेमादेवी बिष्ट, मानव अधिकारका लागि महिला एकल महिला समुह सुदूरपश्चिम प्रदेश अधिकृत वेद अवस्थी, निसर्ग हस्पिटलके मेडिकल डाईरेक्टर डा.मेराज आलम अन्सारीलगायत टमान एकल महिलाहुक्रे सहभागी रहैं ।
संयुक्त राष्ट्रसंघके महासभासे सन् २०१० के डिसेम्बरमे जुन महिनाके २३ तारिखहे अन्तर्राष्ट्रिय एकल महिला दिवसके रुपमे मनैना घोषणा करले रहे । टबसे सन् २०११ से यी दिवस मनाइ लागल हो ।
राष्ट्रसंघ श्रीमान गुमाइल, श्रीमान हराइल, सम्बन्ध विच्छेद करल ओ भोन नैकैके बैठल महिलाहे एकल महिला कहिके व्याख्या करले बा ।
