जलवायू परिवर्तन, रेडप्लस वातावरण अनुकुलन प्रशिक्षण निम्जल

पहुरा समाचारदाता
हसुलिया, ९ असार । कैलारी गाउँपालिका वडा ३ सुर्मिनालामे हुइल जलवायू परिवर्तन, रेडप्लस वातावरण अनुकुलन ओ दिगो विकासका लागि महिलाहरुको भूमिका सम्बन्धी दुई दिने प्रशिक्षण निम्जल बा ।

कैलारी गाउँपालिका वन वातावरण तथा विपद व्यवस्थापन समितिके आर्थिक सहयोगमे थारु महिला संजाल कैलारीके आयोजनामे तालिम शुकके रोज निम्जल बा । गाउँपालिका उपाध्यक्ष भगवतीकुमारी चौधरीके वडका पहुनामे हुइल समापन कार्यक्रममे विशिष्ट पहुना वडा नम्बर ४ वडा अध्उक्षसमेट रहल वन वातावरण तथा विपद व्यवस्थापन समितिके संयोजक ठागुराम चौधरी, वडा नम्बर ६ वडा अध्यक्ष तथा भौतिक पूर्वाधार विकास समितिके संयोजक प्रेमबहादुर चौधरी, सिएफसिसीके अध्यक्ष रमेश चौधरी, राष्ट्रिय आदिवासी जनजाति महिला मञ्चके अध्यक्ष माया चौधरीलगायतसे मन्तव्य व्यक्त करल रहिट । यिहे अवसरमे १ से ९ वडासे सहभाति हुइलहे महिला व्याग वितरण कैगिल बा ।

थारु महिला संजाल कैलारीके अध्यक्ष सरिता चौधरीके अध्यक्षतामे हुइल समापन कार्यक्रमके संचालन सचिव अनिता चौधरी करले रही । दुई दिने प्रशिक्षण कार्यक्रममे नेपाल आदिबासी जनजाति महासंघ सुदूरपश्चिम प्रदेश अध्यक्ष दलबहादुर घर्ती मगर ओ सन्दिप चौधरी प्रशिक्षण डेहल रहिट ।