बस ओ ट्रक एक आपसमे टक्राके १५ जाने घाहिल
पहुरा समाचारदाता
धनगढी, ९ असार । कैलाली जिल्लाके घोडाघोडी नगरपालिका– १० घुम्नी भाकलमे शनिच्चरके २ बजके २० मिनेट पहलमानपुरके घुम्ती भाकलमे बस ओ ट्रकएक आपसमे बस ओ ट्रक टक्राके दुर्घटना हुईबेर १५ जाने घाहिल हुइल बटै । प्रहरीके अनुसार ट्रक चालकके अवस्था गम्भीर रहल बा । उहाँक गोरफे टुटल बा । उहाँक अन्यत्र रिफर करल प्रहरी जनैले बा ।
पूर्वसे पश्चिम ओर जैटी रहल सुपप्र ०१००१ख २७५९ नम्बरके ट्रक ओ पश्चिमसे पूर्व ओर जैटी करल म १ ख ९०९ नम्बरके बस एक आपसमे टक्राके दुर्घटना हुइल हो ।
दुर्घटनामे परके घाहिल हुइलहे ईलाका प्रहरी कार्यालय सुख्खडके प्रमुख प्रहरी नायव उपरीक्षक बिरेन्द्रबीर विश्वकर्माके टोली उद्दार करके उपचारके लाग घोडाघोडी अस्पताल पुगाइल जिल्ला प्रहरी कार्यालय कैलाली जनैले बा ।
सवारी दुर्घटनामे घाहिल हुइलमे ट्रक चालक जिल्ला कैलाली जोशीपुर गा.पा.५ बैठना बर्ष ३५ के बालकृष्ण चौधरीके दहिना गोर ओ मुरीमे चोट लागके अवस्था गम्भीर उहाँहे भेरी अस्पताल बाँके रिफर करल बा ।
बस चालक जिल्ला बैतडी पाटन न.पा.७ बैठना बर्ष ३८ के तेजसिंह ठगुन्नाके मुरी ओ दाँया गोरमे चोट लागल बा । उहाँके अवस्था मध्यम रहल बा । बसके सहचालक जिल्ला कैलाली गोदावरी न.पा.२ बैठना बर्ष ४० के बिर्खबहादुर रानामगर दुनु हातमे चोट लागल बा । टिकापुर न.पा.१५ बैठना बर्ष ४२ के यसोदा कठायत मुरी ओ हातमे चोट लागल बा ।
जिल्ला सुर्खेत बिरेन्द्र नगरपालिका ११ बैठना बर्ष ७० के मोति मिजाराके मुरीमे चोट लागल बा । जिल्ला कैलाली घोडाघोडी नगरपालिका १ बैठना बर्ष ५१ के प्रेमलाल चौधरी मुरी ओ कुब्बरमे चोट लागल बा ।
टिकापुर नगरपालिका ३ बैठना बर्ष ३५ के पुष्पा सिर्पाली निधारमे चोट लागल बा । बर्ष १० के जोन सिर्पाली गोरामे चोट लागल बा । घोडाघोडी नगरपालिका १० बैठना बर्ष २३ के चित्रा शाही अनुहारमे चोट लागल बा ।
बर्दगोरिया गाउँपालिका वडा नम्बर ६ बैठना बर्ष २५ के मिना बमके मुरीमे चोट लागल बा । हुकान छाई बर्ष १ के सरस्वती बम मुरीमे चोट लागल बा । घोडाघोडी नगरपालिका १० बैठना बर्ष २१ के रुपेश शाही मुरीमे चोट लाग बा । टिकापुर नगरपालिका १ बैठना बर्ष ३५ के कमला रावल भण्डारीके मुरीमे चोट लागल बा । जिल्ला बर्दिया राजापुर नगरपालिका ३ बैठना बर्ष २२ के सुष्मा चौधरीके मुरीमे चोट लागल बा । हुकान छावा बर्ष १ कायरन चौधरीके मुरीमे चोट लागल बा ।
जिल्ला कैलाली टिकापुर नगरपालिका ४ बैठना बर्ष ४ के सलुन भण्डारी मुरीमे चोट लागल बा ।
उ दुर्घटना हुईबेर लग्गे रहल साईकल यात्रीहुक्रे घोडाघोडी नगरपालिका ५ के फुलकुमारी चौधरी, रितिका चौधरी ओ प्रगती चौधरी भग्ना क्रममे सामान्य घाहिल हुके स्थानयी कुश्मी मेडिकल पहलमानपुरमे उपचार हुइटी रहल ओइनके अवस्था सामान्य रहल बा ।
दुर्घटनापाछे यातायात अबरुद्ध हुइल रहे । प्रहरी साढे बजेसे बैकल्पिक रुटके प्रयोग करके यातायात सुचारु करले बा । बस चालक जिल्ला बैतडी पाटन न.पा.७ बैठना बर्ष ३८ के तेज सिंह ठगुन्नाहे थप उपचारके लाग नोभा अस्पताल धनगढी रिफर करल जिल्ला प्रहरी कार्यालय कैलाली जनैले बा ।
