४० जनहनहे अपाङगता सहायक सामग्री वितरण

पहुरा समाचारदाता
धनगढी, ११ असार । धनगढी उपमहानगर पालिकाके आर्थिक सहयोग ओ अपांगता क्षेत्रमे कार्य करटी आइल संस्था एनएनएसडब्लुएके प्रावधिक सहयोगमे ४० जनहनहे अपांगता सहायक सामाग्री वितरण करल बा ।

धनगढी उपमहानगरपालिकाके अपांगता जाँच कक्षसे धनगढी उप–महानगरपालिकाके वडा न.१, २, ३, ४, ५, ६, ७, ८, ११ ओ १३ क्षेत्रमे अफांगता रहल व्यक्तिहुकनहे सहायक सामाग्री हस्तान्तरण करल बा । जेम्ने ह्विल चियर– १६, ट्राईसाईकिल– ३, त्रक्रिम खुट्टा–४, त्रक्रिम हात –१, अर्थैसिस – ४, रोटेलर –१, ईल्बो त्रच– ४ ओ वाकर स्टिक–४ जनहनहे वितरण करल बा ।

ओस्टेक करके वडा नं. ९, १० ओ १२ का जुगेडा वडा नं १२ के आधारभूत स्वास्थ्य कार्यालय प्राङगणमे वितरण सामग्री ह्विल चियर– ११, ट्राईसाईकिल–४, रोटेलर–१, वाकर स्टिक–१ ओ घुँडा सपोट–१ जोर सामग्री बितरण करल धनगढी उपमहानगरपालिका जनैले बा ।