थारु गीत पायलिया सार्वजनिक (भिडियोसहित)

पहुरा समाचारदाता
धनगढी, १२ असार । गायिका समीक्षा चौधरी ओ गायक एरेन्जर तथा कम्पोजर गणेश चौधरीके स्वरमे रहल “पायलीया” कना थारु गीतके भिडियो वि एण्ड जी. ईन्टरटेनमेन्ट नेपाल युट्युव च्यानलसे सार्वजनिक हुइल बा । जेम्ने मोडल वीर चौधरी ओ मुस्कान चौधरीके अभिनय हेरे सेक्जाई ।

वीर ओ मुस्कानके प्रेम कहानीमे ट्वीस्ट का बा ? गीतमे विरले मुस्कानके हत्या करले बटै । काहे हत्या कैगिल ? का बा कथा वस्तु ? बुझेक लाग गीतके भिडियो हेरे पर्ना गीतके निर्देशक हिरा चौधरी बटैलै ।

नवलपुर गैडाकोटके थुम्सी कना ठाउँमे छायाँकन करल यी भिडियो व्यापक चर्चा पैनाफे उहाँ बटैलै । यी गितमे सिनेमाटोग्राफी मेड म्याक्स (विक्रम चौधरी) के रहल बा । ओस्टेक करके कोरियोग्राफी किरण सुनम ओ अजय महतोके रहल बा । गीतहे सम्पादन सुरेश महतो कहले बटै कलेसे सह निर्देशकमे नितेश जंग सिओवाई रहल बटै । गीतके निर्माता गणेश चौधरी रहल बटै ।