अनुगमन समितिसे नर्सरी ओ विद्यालय भवनके अनुगमन

पहुरा समाचारदाता
हसुलिया, १३ असार । कैलारी गाउँपालिका स्तरीय अनुगमन समितिसे नर्सरी ओ विद्यालय भवनके अनुगमन करले बा ।
अनुगमन समितिके संयोजक तथा गाउँपालिका भगवतीकुमारी चौधरीके नेतृत्वमे वडा नम्बर ७ सव डिभिजन वन कार्यालय बसन्तामे उत्पादन करल नर्सरीके बुधके रोज स्थलगत अनुगमन करल हुइट ।

बेर्ना उत्पादनके लाग वन संरक्षण सामुदायिक वनके परिचालन, बृक्षारोपण वन तथा वन्यजन्य रोजगार कार्यक्रम अन्र्तगत गाउँपालिकासे विनियोजन करल ७० हजार बजेटमे नर्सरी उत्पादन कैगिल बा । यहाँ सव डिभिजन वन कार्यालय बसन्ता थप ३० हजार रुप्या बजेट विनियोजन करल रहे । टमान जातके नर्सरीके तयारी हुइल बा ।

अनुगमन समितिसे वडा नम्बर १ दिपेन्द्र माविके भवनके अनुगमन कैगिल बा । अनुगमनमे समितिके संयोजक भगवतीकुमारी चौधरी, पूर्वाधार विकास समिति संयोजक प्रेमबबहादुर चौधरी, समितिके सदस्य सुनिला चौधरी, सई सुनिल चौधरी लगायतके सहभागिता रहे ।