बरघर गुरुवा पर्यटन प्रवद्र्धन सम्मेलन
पहुरा समाचारदाता
धनगढी, १४ असार । कैलाली जिल्लाके कैलारी गाउँपालिकास्थित हसुलियामे बरघर गुरुवा पर्यटन प्रवद्र्धन सम्मेलन विफेक रोज निम्जल बा ।
उद्योग पर्यटन वन वातावरण मन्त्रालय प्रदेश पर्यटन कार्यक्रम कार्यान्वयन इकाईके आर्थिक सहयोगमे फोनिज सुदूरपश्चिम प्रदेशके आयोजनामे उ सम्मेलन हुइल हो । सम्मेलनके वडका पहुना उद्योग पर्यटन वन वातावरण मन्त्री रमेश धामी पहिचानके रुपमे रहल थारु समुदाय अपन पहिरन घाले छोरना बटैले बटै । उहाँ कहलै, थारु समुदायके पहिचान बरघर, गुरुवा, परम्परागत पहिरन, भाषा, संस्कृति हो । मने थारु समुदायसे अपन परम्परागत पहिरन लगाई छोरल, थारु भाषा बेल्से छोरल, और संस्कृति अंगाले लागल बटै ।
थारु समुदायसे अपने ढेर सहयोग पैलक बाट बटोइटी अपनेफे प्रदेश सरकारमे बरघर, गुरुवा प्रथाहे लिपिबद्ध कैटी कानूनी मान्यता डेहुइना प्रतिबद्धता जनैलै ।
संिवधान सभा सदस्य तथा पूर्व प्रदेशसभा सदस्य विरमान चौधरी बरघर, गुरुवा प्रथाहे कानूनी मन्यता डेहुवाइक लाग संविधानके मुल कानूनमे समावेश कराई पर्नामे जोड डेहल रहिट ।
कैलारी गाउँपालिकाके निवर्तमान अध्यक्ष लाजुराम चौधरी बरघर गुरुवा थारु समुदायके पहिचान रहल बटैलै । उहाँ कहलै, पहिलेक समयमे अस्पताल, स्वास्थ्य चौकी कुछफे नइरहे । लर्का जल्माइक लाग सोरहनिया, गुरुवासे सहयोग लिहे परे ।
गाउँघरमे कुछ विवाद हुइलमे जनअदालतके अगुवा थारु समुदायमे रहल बरघरहुुक्रे समस्या सुल्झाइट । जोन अभिनफे मिलाजैटी । बरघरहुक्रे जानअजानमे डेवानी ओ फौजदारी मुद्दा मिलाइल कारण अपने जेल जैना तारेक बोके परल बटैलै ।
उद्योग पर्यटन वन वातावरण मन्त्रालय प्रदेश पर्यटन कार्यक्रम कार्यान्वयन इकाई धनगढीके प्रमुख कालीचरण चौधरी कैलाली कञ्चनपुरमे बसोबास करटी आइल थारु, रानाथारु समुदायके बरघर, गुरुवा, सोरहनिया प्रथाहे प्रवद्र्धनके लाग सहयोग कैलक बटोइल ।
वसहेक करके थारु कल्यााण करिणी सभा कैलालीके कार्यवाहक सभापति माधव चौधरी, कञ्चनपुरके सभापति सानु चौधरी, कैलारी गाउँपालिका वडा नम्बर १ के वडा अध्यक्ष धोजहरिपाल बोहरा, थारु विद्यार्थी समाजके जिल्ला अध्यक्ष आशिष चौधरी, भल्मन्सा जिल्ला संयोजक विलारु चौधरी, गुरुवा समितिके संयोजक रामप्रसाद चौधरीलगायतसे बरघर गुरुवा, सोरहनीय प्रथाहे कानूनी मन्यता डेहे पर्ना बाटमे जोड डेहल रहिट ।
कार्यक्रम फोनिज सुदूरपश्चिम प्रदेशके अध्यक्ष रामलखन चौधरीके घर गोस्यामे हुइल रहे । कार्यक्रमके संचालन महासंघके महासचिव उन्नती चौधरी स्वागत मन्तव्य सचिव दिनेश दहित करल रहिट ।
