५० प्रतिशत बजेट कैलारीके विकासके लाग छुटयाइले बटुः सांसद गंगाराम

पहुरा समाचारदाता
हसुलिया, १७ असार । कैलाली निर्वाचन क्षेत्र नम्बर ३ के प्रतिनिधिसभा सदस्य गंगाराम चौधरी अपने पैनाके कुल बजेटके ५० प्रतिशत बजेट कैलारी गाउँपालिकामे छुत्याइल बटैले बटै ।

कैलारी गाउँपालिकाके आर्थिक २०७९।०८० गाउँसभा (बर्षे। बजेट) अधिवेशनके टिसरा बैठकमे विशेष सम्बोधन करटी अपने पाइल कुल बजेटके आधा बजेट कैलारी गाउँपालिकाके विकासके लाग विनियोजन करल बटैलै । उहाँ कहलै, संघीय बजेटके ५० प्रतिशत यी पालिकामे परले बटु । सांसद पदमे आसेकल पाछे मै यी पार्टी उ पार्टी कहिके हेरले नइहु । मही विकास कैना बा । सक्कुहुनहे हाते मालो सहकार्य कैके जैना बा ।

मै सदा सहयोग कैना व्यक्तिफे हो । टबमारे यहाँ शिक्षा, कृषि, सहरी विकास, खेलकुद ओ स्वास्थ्यके हकमे होए कौनो भेदभाव नइकरके बजेट विनियोजन करलm प्रतिनिधिसभा सदस्य चौधरी बटैलै । थारु समुदायमे जनस्वास्थ्य समस्याके रुपमे रहल सिकलसेल एनिमियाके लागफे बजेट विनियोजन करल बटैलै ।

प्रतिनितिसभा सदस्य कहलै, कैलारी गाउँपालिका प्रगतिके डगरमे आघे बह्रल बा । पालिकाके विकासहे सहयोग करेक लाग संघीय बजेट ओ व्यक्तिगतओर सेक्ना सहयोग कैना प्रतिवद्धता जाहेर करटु ।