प्रदेश सरकार ओ अपांगता संघर्ष समितिविच वार्ता

पहुरा समाचारदाता
धनगढी, २२ असार । सुदूरपश्चिम प्रदेश सरकार ओ अपांगता संघर्ष समिति विच विफेक रोज वार्ता हुइल बा ।

अइना आर्थिक वर्षके बजेटमे अपनेहुकनके लाग न्यायोचित बजेट नइछुटयाइल कहटी कुछ दिनसे अपांगता संघर्ष समिति आन्दोलनमे उटरल रहे ।

सुदुरपश्चिम प्रदेश सरकार सामाजिक विकास मन्त्री झपटबहादुर साउँदके अध्यक्षतामे सुदूरपश्चिम प्रदेश सरकार सामाजिक विकास मन्त्रालयके सचिव ज्ञानप्रसाद ढकाल, राष्ट्रिय अपांग महासघ नेपाल संघीय कार्यालय केन्द्रीय प्रतिनिधि नेत्रप्रसाद देवकोटा, राष्ट्रिय अपांग महासघ सुदूरपश्चिम प्रदेश अध्यक्ष मानबहादुर साउँद, सघर्ष समितिके सदस्य लगायत करिव २५ जानेक सहभागितामे वार्ता हुइल बा ।

सुदूरपश्चिम प्रदेश सरकार सामाजिक विकास मन्त्रालयके मन्त्री झपटबहादुर साउद ओ सुदूरपश्चिम प्रदेश सरकार सामाजिक विकास मन्त्रालय सचिव ज्ञानप्रसाद ढकालहे राष्ट्रिय अपांगगता महासघ सुदुरपश्चिम प्रदेश अध्यक्ष मानबहादुर साउँद २१ बुँदे माग पत्र बुझाइल रहिट ।

२१ बुदे मागहे तीन चरणमे वर्गिकररण करके छलफल हुइल बा । जेम्ने नीति गतमे १,२,९,१६,१७, कार्यक्रम गतमे ३,४,६,७,१०,११,१२,१४,१५,२०, ओ बजेट तथा अन्तर मन्त्रालय अन्तरगत ५,८,१३,१८,१९,२१ बुदामे छलफल
हुइल महासंघके अध्यक्ष मानबहादुर साउँद जनैलै ।

वार्तापाछे प्रदेश सरकारसे अपांगता समावेशी पारा खेलकुडके लाग ४५ लाख, राष्टिय अपांगता महासंघके भवन निर्माणके लाग ७० लाख, अपांगता सम्बन्धी तथ्यांक संकलनके लाग ५० लाख, अपांगता सहायक सामग्री
उत्पादन मर्मत तथा वितरण केन्द्र स्थापनाके लाग ७० लाख बजेट छुटयाइना सहमति हुइल बा ।

अडियो लाइब्रेरी ओ डिपिआरसहितके भवन निर्माण ७० लाख, सुप समावेशी विद्यालयके छात्रवास निर्माणके लाग ८० लाख, अपांगता रहल व्यक्तिहुकनके लाग सहायक सामाग्री खरिद तथा वितरणके लाग ७५ लाख बजेट डेना निर्णय हुइल बा ।

ओस्टेक करके स्पाइनल कार्ड इन्जुरी रहल व्यक्तिहुुकनके लाग स्वास्थ्य सामाग्री खरिद २० लाख ओ डाउन सिन्डोम, बौद्धिक क्षमताके विकास सशक्तीकरणके लाग २० लाख बजेट प्रदेश सरकारसे डेना सहमति हुइल राष्टिय अपांगता महासंघ प्रदेश सचिव नन्दराज भटट बटैलै ।

सुदूरपश्चिम प्रदेश सरकार सामाजिक विकास मन्त्रालयसे अइना आर्थिक बर्ष २०८०।०८१ अपाँगताके क्षेत्रमे ११ करोड ४० लाख ५० हजार बजेट विनियोजन करले बा ।

अपांगता रहल व्यक्तिहुकनके लाग कञ्चनपुरके बेलौरीमे आवासिय विद्यालयके निर्माण हुइटी रहल बा । यकर लाग ७ करोड बजेट विनियोजन हुइल बा ।

अपांगता रहल व्यक्तिहुकनके लाग आवश्यक कृतिम अंग अर्थोसिस ओ प्रोथेस्टिक सेवा कार्यक्रमके लाग ३० लाख रुप्या, अटिजम डाउन सिन्ड्रोम स्क्रेनिंग तथा हाते पुस्तिका प्रकाशनके लाग ५ लाख बजेट विनियोजन हुुइल बा ।

अपांगता रहल व्यक्तिहुकनके लाग छात्रवृति १ करोड २५ लाख, बौद्धिक अपांगता रहल बालबालिकाहुकनके लाग आवासिय विद्यालय संचालन १ करोड ५० लाख, प्यारा खेलके लाग ५ लाख, अपांगता रहल व्यक्तिहुकनके लाग आय आर्जन तथा स्वरोजगार कार्यक्रमके लाग ५८ लाख रुप्या विनियोजन हुइल बा ।

अपांगता क्षेत्र सम्बन्धी कार्यक्रमके लाग ७ लाख, अपांगता सहायक सामग्री वितरणके लाग ५ लाख, अपांगता बालबालिकाहुकनके लााग स्क्रेनिंग तथा उपचारके कार्यक्रमके लाग २५ लाख, कुष्ठरोगके कारणसे अस्मर्थता रहल ओ अन्य अपांगता रहल व्यक्तिहुकनके लाग सहायक सामग्री खरिद तथा वितरण ६ लाख बजेट विनियोजन हुइल बा ।

अपांगता व्यवस्थापन तथा कुष्ठरोग सम्बन्धी स्वास्थ्यकर्र्मीहुकनके क्षमता अभिवृद्धि ४ लाख ५० हजार, अपांगताके सिघ्र पहिचान, परामर्स तथा रेफरल सेवा अभिमुखीकरण ७ लाख, स्वास्थ्यकर्मीहुकनहे अपांगता व्यवस्थापन तथा सम्वन्धी पुनस्र्थापपना सम्बन्धी तालिम ५ लाख, अपांगता सहायक सामग्री वितरण ६ लाख, पालिकास्तरके कुष्ठरोग नियंत्रण तथा अपांगता व्यवस्थापन कार्यक्रमके प्राविधिक अन्तरक्रिया, समिक्षा एवं योजना गोष्ठी तथा अनुगमन ९ लाख रुप्या करके जम्मा बजेट ११ करोड ४० लाख ५० हजार विनियोजन हुइल सामाजिक विकास मन्त्रालय जनैले बा ।

अपांगता अधिकार प्रवर्द्धन समितिके प्रमुख माग का बा टे ?

१. अपांगता प्रादेशिक नितिमा आवश्यक संशोधन करके सक्कु मेरिक अपांगताके अधिकार स्थापित हुइना करके ३ महिनाभित्र कार्यान्वयन करे पर्ना ।

२. अपांगता प्रादेशिक समन्वय समितिमे सक्कु मेरिक अपांगताके प्रतिनिधित्व सहित उप संयोजकके व्यवस्था करके नियमित बैठक संचालन करे पर्ना ।

३. सुदुरपश्चिम प्रदेशभिटर रहल सक्कु मेरिक अपांता रहल व्यक्तिहुकनके खण्डीकृत तथ्यांक अइना करके तथ्यांक संकलन करे पर्ना ओ अपांगता अवस्था, अध्ययन, अनुसन्धान, सेवा विश्लेषण कैना ओ अनकर्पडके निष्कर्ष सुझावके लाग बजेट सहितके कार्यदल गठन करे पर्ना ।

४. सामाजिक विकास मन्त्रालय ओ प्रदेश स्वास्थ्य निर्देशनालय सहित सक्कु जिल्लामे रहल सामाजिक विकास कार्यालय ओ स्वास्थ्य कार्यालयह मार्फत कैना अपांगता सम्बन्धी सक्कु कार्यक्रम सम्बन्धित जिल्लाभिटर रहल अपांगता रहल व्यक्तिहुकनकके संघ सस्थासंग सम्झौता करके कार्यान्वयन करे पर्ना ।

५. सार्वजनिक भौतिक संरचना (विशेष करके बैंक वा वित्तीय सस्थाके क्यास काउण्टर, सडक, शौचालय, पार्किङ, चौतारा, नागरिक वडापत्र, हेल्पडेक्स, वेवसाईड, मनोरन्जन स्थल, खेलमैदान ओ कार्यक्रम कक्ष) मापदण्ड अनुसारके अपागतामैत्री संरचना बनाई पर्ना ओ तल निकायहे उ संरचना निर्माण कैना अहैनाके साथे मन्त्रालयके माननीय मन्त्री ओ सचिव भूतलामे बैठके सेवा प्रदान कैना व्यवस्था करे पर्ना ।

६. सक्कु मेरिक अपांगता रहल व्यक्तिहुकनके लाग प्रदेश स्तरमे, सहायक सामग्री उत्पादन मर्मत तथा वितरण केन्द्रके स्थापना हुई पर्ना ।

७. अपांगता रहल व्यक्तिहुकनके हक अधिकार स्थापना कैना, क्षमता विकास कैना वकालत कैना, समन्वय कैना÷ सहकार्य कैना, संजालीकरण कैनाा ओ समावेशीकरणके सवालमे निरन्तर क्रियाशिल रहल राष्ट्रिय अपांगता महासंघ नेपालके सुदुरपश्चिम प्रदेशके सस्थागत विकास ओ अपांतामैत्री भवन निर्माण करे पर्ना ।

८ बौद्धिक, डाउन सिन्ड्रोम ओ अटिजम अपांता रहल बालबालिकाके लाग सुचना तथा संचारके बाटमे इजि टु रिड भर्सनमे हुई पर्ना ।

९. सक्कु मेरिक अपांता परिचय पत्र लेहल व्यक्तिहुकनहे प्रदेश सरकारसे निशुल्क स्वास्थ्य बिमा कार्यक्रम लागु करे पर्ना,

१०. सुदुरपश्चिम प्रदेशके प्रादेशीक अस्पताल (सेति प्रादेशीक अस्पताल ओ महाकाली प्रादेशिक अस्पताल) मे यथाशिघ्र सांकेतिक दोभासेके नियुक्त करे पर्ना ।

११. प्रदेशस्तरमे रेकर्डिङ सहितके अडियो ई लाईब्रेरी ओ बेलके स्थापना करे पर्ना ।

१२. अपांगता समावेशी पारा खेलकुद संचालनके लाग प्रयास बजेट व्यवस्था करे पर्ना ।

१३. लोकसेवा आयोगसे लेना परिक्षामे चित्रसे पुछना प्रश्नके सट्टामे वैकल्पिक प्रश्न समावेश करे पर्र्ना ।

१४. अपांगता रहल बालबालिका अध्ययन कैना विशेष कक्षा स्रोतकक्षा ओ समावेशी विध्यालयके भौतिक संरचना निर्माण ओ मानविय संसाधनके प्रयाप्त व्यवस्थापन करे पर्ना ।

१५. स्पाईनल कर्ड इन्जुरी रहल अपांगता नागरिकसे प्रयोग कैना स्वास्थ्य सामग्रीहरु (पाईप, जेलि कण्डम क्याथेलेटर, युरिनब्याग, पेपरटेप, जेलि, क्याथेलेटर, ग्लोभ्स, डायपर, सेनिरी प्याड, वेटाटिन आदि) सामाग्री ओ मनोसामाजिक लगायतके अपांगता रहल व्यक्तिसे निरन्तर रुमे प्रयोग कैना औषधी, हेमोफेलियायुक्त व्यक्तिसे प्रयोग कैना एन्टि प्याक्टरके प्रदेशस्तरसे निशुल्क ओ सर्वसुलभ उपलब्ध करैना व्यवस्था करे पर्ना ।

१६.औरके सहारा लेकेफे जीवन निर्वाह करे नइसेक्ना पुर्ण ओ अति अशक्त अपांगता रहल व्यक्तिकके लाग पारिश्रमिक सहितके व्यक्तिगत सहयोगी सेवा ओ क्षिक्षाके पहुँचमे नइरहल, घरममे हेरचाह कैना समस्या रहल अपांगता रहल बालबालिकाके लाग साक्षरता कक्षा सहितके दैनिक हेरचाह केन्द्र तुरुन्त स्थापना करे पर्ना ।

१७. अपांगता सम्बन्धि काम कैना संघ सस्थाहे अपांगता अधिकार ओ अभियान संचालन कैना निश्चित अनुदानके व्यवस्था हुई पर्ना  ।

१८. पिना पानीसहित सार्वजनिक स्थानमे पहुँचयुक्त शौचालय स्थापना हुई पर्ना ।

१९. निजामति सेवा विधेयक लगायत प्रदेशमे बनल नीति नियम कानुनमे अपांगता समावेशिकरणके पोलिसी अडिट करके ६ महिनाभिटर संशोधन करे पर्ना ।

२०. सामाजिक विकास मन्त्रालयमे कार्यरत रहल सांकेतिक दोषासेहे राष्ट्रिय अपांंगता महासंघ सुदुरपश्चिम प्रदेश कार्यालयमे काम कैना करके व्यवस्था करे पर्ना ।

२१. सार्वजनिक यातायात ओ हवाई यातायातमे यात्रा करेबेर ५० प्रतिशत भाडा छुट पुर्ण रुपमे कार्यान्वायन करे पर्ना ।
चार पांग्रे स्कुटर चालकके लाग लाईसेन्सके व्यवस्था के पर्ना ओ सामान्य अपांगता हुके अटो रिक्सा चलाई जीवन निर्वाह करटी रहल अटो चालकहे निर्वाद रुपमे अटो चलैना व्यवस्था मिलैना वा रोजगार तथा व्यवसायकैना विना धितो ऋणके व्यवस्था करे पर्ना रहल बा ।