बजाजके लावा मोटरसाइकल बजारमे
पहुरा समाचारदाता
धनगढी, २७ असार । धनगढीके लाग बजाज मोटरसाइकलके अधिकारिक विक्रेता दिनेश अटोमोटिभ्स् कम्पनीके अत्याधुनिक मोडलके लावा मोटरसाइकल बजारमे लन्ले बा ।
कम्पनीसे पल्सर एएस २०० ओ पल्सर एनएस १६० मोडलके मोटरसाइकल बजारमे लानल हो । बुधके रोज दिनेश अटोमोटिभ्स्के कार्यकारी निर्देशक श्याम हमाल उ मोटरसाइकल सार्वजनिक करल हुइट ।
मोटरसाइकल सार्वजनिक कैटी कार्यकारी निर्देशक हमाल लावा मोडलके बाइक बजारमे लाने पाइलमे उत्साहित हुइल बटैलै । उहाँ लावा लावा विशेषता सहितके अत्याधुनिक बाइक लानके राइडर ओ राइडिङ अनुभवहे निरन्तर परिष्कृत कैटी लैजैना प्रतिवद्धता व्यक्त करल रहिट । ओस्टके लावा बाइकसे नेपाली राइडरहुक्रनके विश्वास जित्ना फेन विश्वास लेहल बटाइल रहिट ।
सुरक्षाहे मध्यनजर कैटी डिजाइन करल डुनु पल्सर एनएस २०० ओ एनएस १६० यूएसडी के बाइकमे आघे ३ सय एमएमके डिस्क बे्रक ओ पाछे २३० एमएमके डिस्क ब्रेक रहल बा ।
उहीसे राइडरहे निश्चित स्टपिङ पावर ओ भरपर्दो नियन्त्रणके साथे जस्टेसुके सडकमे फेन निर्धक्क होके चलाइ सेक्ना जनाइल अटोमोटिभ्कसे प्रबन्धक तेजबहादुर बम जानकारी डेलै । ओस्टके उहाँ बाइक राइडरहुक्रनके सुरक्षाहे पहिल प्राथमिकता डेटी कम्पनीसे डुअल च्यानल एबीएस प्रणाली अपनाइल बटैटी बे्रकमे मजा कन्ट्रोल ओ स्थिरता प्रदान करल बटैलै ।
पल्सर एनएस २०० के नेपाली बजार मुल्य ४ लाख २४ हजार नौसय ओ पल्सर एनएस १६० बाइक ३ लाख ८४ हजार नौसय रहल प्रवन्धक बम जानकारी डेलै ।
इहीसे आघे नेपालके लाग अधिकारिक विक्रेता हंसराज हुलास चन्द एण्ड कम्पनी(गोल्छा ग्रुप)से काठमाण्डौंमे असार २० गते उ डुनु मोडलके मोटरसाइकल सार्वजनिक करसेकल बा ।
