रोजगार ओ प्राविधिक सीपके लाग सुदूरपश्चिमाञ्चल पोलिटेक्निक

पहुरा समाचारदाता
धनगढी, ३ सावन । सीपमूलक शिक्षा प्रदान कैना उद्देश्यसे स्थापित सुदूरपश्चिमाञ्चल पोलिटेक्निकमे अध्ययन करके उद्यम विकाश सहजकर्ता गरिबी निवारणका लागी लघु उद्यम विकास कार्यक्रम (मेडपा) मे प्रत्येक स्थानीय तहमे २ जानेक दरसे करार सेवामे कार्यरत रहल बटै । कलेसे सुदूरपश्चिम प्रदेशके घरेलु कार्यालयमे अस्थाइ कर्मचारीके रुपमे कार्यरत बटै ।

यी विषय व्यवस्थापन क्षेत्रके प्राविधिक विषय हुइल ओरसे टमान लघु वित्तमेफे उद्यम विकाश सहजकर्ता कार्यरत रहल बटै । यी विषयके अध्ययनसे उद्यम व्यवसाय करेक लाग आवश्यक ज्ञान ओ सीप पैना ओरसे कतिपयसे अपने व्यवयाय समेत संचालन करल सुदूरपश्चिमाञ्चल पोलिटेक्निक इन्स्टिच्युटके प्रवन्ध निर्देशक सुजित शर्मा बटैलै । एसइइमे जौनफे ग्रेड आइल विद्यार्थी यी विषय पह्रे पैना उहाँ जनैलै ।

४० जानेक भर्ना कोटा रहल यी विषयमे ४ जाने जेहेन्दार विद्यार्थीके लाग पुर्ण छात्रवृत्तीके व्यवस्था बा । दक्ष अनुभवी प्रशिक्षकसे अध्यापन करैना हुइल ओरसे प्रत्येक वर्ष उत्कृष्ट नतिजा आइल यी इन्सिच्युटसे प्रयोगात्मक कक्षाहे विशेष प्राथमिकतामे धारके अध्यापन कराके रोजगारी सिर्जना ओ समन्वयमे सहजीकरण करटी आइल प्रन्धक बटैलै ।

श्रोत तथा बजार सम्भाव्यता अध्ययन कैना, उद्यम विकासके लाग उपयुक्त क्षेत्र पहिचान कैना, सामाजिक परिचालन कैना, सम्भावित उद्यमी पहिचान कैना ओ तालिमके व्यवस्थापन कैना उद्यम विकास सहजकताके अध्ययनसे सक्षम जनशक्ति तयार करटी रहल उहाँ जनैलैै ।

उद्यमीहे अपन व्यवसाय अपनही शुरु तथा सुधार करी (एसआइवाइबी), जेण्डर, समुह व्यवस्थापन, सहकारी, व्यवसायीक योजना, व्यवसायिक लेखा, सीप विकास लगायतके तालिम डेना, टमान परियोजना/कार्यक्रम तथा तालिम प्रस्तावना लेख्न तथा व्यवसायिक योजना बनैना, लघु वित्तके लाग लघु वित्त प्रदायक संस्थासंग सम्पर्कके लाग सहजीकरण कैना ओ उपयुक्त प्रविधिसंग सम्पर्क कैन, बजार सम्पर्क विस्तार कैना सहजीकरण कैना, संस्थागत विकासके लाग सहजीकरण कैना, व्यावसायिक परामर्श प्रदान कैना, अनुगमन तथा मुल्यांकन कैना ओ व्यक्तिके समग्र क्षमता विकास कैना, सहजीकरण कैना सक्षम जनशक्ति यी कार्यक्रमसे उत्पादन करटी आइल बा ।

यी शैक्षिक सत्रसे यी इन्सिच्यटसे १८ महिने प्रिडिप्लोमा कृषी जे.टी.ए ओ कृषि भेटेनरी तथा प्रिडिप्लोमा इन सिभिल सबओभरसियर १८ महिनेफे अध्ययन अध्यापन संचालन करे जैटी रहल प्रवन्ध सुजित शर्मा बटैलै ।