नगर प्रहरीसे सात दिनमे ४७ सापनके उद्धार
पहुरा समाचारदाता
धनगढी, ६ सावन । कैलालीके धनगढी उपहानरपालिकाभिटर कार्यरत नगर प्रहरीके भुमिका प्रभावकारी बन्टी गैल बा ।
नगर प्रहरीसे धनगढीमे सात दिनके अवधिमे ४७ सापके उद्धार करले बा ।
घरभिटर पैठल सापहे सुरक्षित रुपमे पक्रना नगर प्रहरीसे असार ३१ गतेसे काम सुरु करल हो । साप पक्रना तालिम पाइल नगर प्रहरी सूचना प्राप्त कैटीकी सम्बन्धित स्थानमे पुगके साप पक्रना करल नगर प्रहरी नायव निरीक्षक कृष्ण मल्ल बटैलै ।
हम्रे असार ३१ गतेसे घरभिटर पैठल सापनके उद्धार करे लागल बटी,’ उहाँ कहलै, ‘सात दिनमे धनगढीके टमान वडासे ४७ सापनके उद्धार करके सब डिभिजन वन कार्यालयके रोहबरमे बनुवामे छोरना काम हुइल बा ।’
उपमहानगरपालिकासे नगर प्रहरीहे साप पक्रना दुई दिनके तालिम डेहल रहे । नगर प्रहरीके टोल फ्रीन नम्बरमे फोन करलेस सापनके उद्धारके लाग तत्काल प्रहरी सम्बन्धित घरमे पुग्न करल बा । उपमहानगरके १९ वडामे सेक्ना हाली नगर प्रहरी पुग्न करल मल्ल बटैलै ।
‘हम्रहिनहे खबर प्राप्त हुइटीकी जैना नियम बनैले बटी । बजार क्षेत्रमे १० मिनेटभिटरमे पुग्ना करल बटी कलेसे फूलबारी ओ उर्मा क्षेत्रके वडामे सडकके अवस्था हेरके समय लागठ । लगभग २० मिनेटभिटर साप उद्धार टोली पुग्न करल बा ।’, मल्ल कहलै नगर प्रहरीसे एक्के दिनमे घरभिटरे १८ सर्प पक्ररल बा ।
