विशेषज्ञ वडा स्वास्थ्य क्लिनिकसे ४५ हजार लाभान्वित
पहुरा समाचारदाता
धनगढी, १७ सावन । धनगढी उपमहानगरपालिकामे संचालित ‘विशेषज्ञ वडा स्वास्थ्य क्लिनिक’से एक वर्षमे ४५ हजार ढेर विमारी लाभान्वित हुइल बटै ।
२०७९ सावन १ गतेसे उपमहानगरपालिकाके १९ वडाममे सञ्चालित विशेषज्ञ वडा स्वास्थ्य क्लिनिक सेवा सुचारु हुइल रहे । गैल वर्ष धनगढीके वडा नम्बर १९ से ‘विशेषज्ञ वडा स्वास्थ्य क्लिनिक’के शुभारम्भ करल रहे । क्लिनिकमे एक वर्षके अवधिमे ४५ हजार ६ सय ८९ बिरामीसे विशेषज्ञ सेवा पैले बटै ।
विशेषज्ञ चिकित्सकीय सेवाके लाग बिरामीसे धनगढीस्थित सेती अस्पताल आई पर्ना बाध्यता बा । उपमहानगरपालिकाके नगर प्रमुख गोपाल हमालसे चुनावी एजेन्डामे ‘विशेषज्ञ वडा स्वास्थ्य क्लिनिक’ सेवा सुरु कैना कार्यक्रम राखल रहिट ।
उपमहानगरो नीति ओ कार्यक्रममे प्राथमिक योजनामे रहल वडा क्लिनिक सेवा गैल आवके पहिल दिनमे नगरप्रमुख हमालसे सुरु करल रहिट । विशेषज्ञ वडा क्लिनिक सेवाके उददघाटन तत्कालिन मुख्यमन्त्री त्रिलोचन भट्ट करल रहिट ।
नगर प्रमुख हमाल अपने चिहुरना गाडीहे समेत वडा क्लिनिक कार्यक्रम सञ्चालनके लाग डेके विपन्न नागरिकके स्वास्थ्य उपचारमे थप योगदान पुगैले बटै । उपमहानगरके १९ वडा नम्बरसे सुरु क्लिनिक’ प्रत्येक वडामे महिनाके एक दिन सञ्चालन हुइटी आइल बा ।
साथे वडा क्लिनिक सेवाहे थप प्रभावकारी बनैना उपमहानगरपालिकासे विद्युतीय गाडी खरिद करके स्वास्थ्य शाखाहे हस्तान्तरण करसेकल बा । १५ सिट क्षमताके गाडी स्वास्थ्य शाखाहे हस्तान्तरण करल नगर प्रमुख हमाल बटैलै ।
