युनिक नेपालके पाँचौ वार्षिकोत्सव सम्पन्न

निर्मल राजा
धनगढी, २० सावन । देशके प्रतिष्ठित लघुवित्त तथा अन्तर्राष्ट्रियस्तरके स्मार्ट क्याम्पियन सर्टिफिकेट (प्रमाणपत्र) प्राप्त युनिक नेपाल लघुवित्त वित्तीय संस्था लिमिटेडसे एक कार्यक्रमके बिच अपन वार्षिकोत्सव मनैले बा ।

बाँकेके कोहोलपुरमे बिफेक रोज एक कार्यक्रमके विच संस्थाके शेयरधनी, कर्मचारी, लगायतके उपस्थितीमे पाँचौ वार्षिकोत्सव मनाइल हो । कार्यक्रममे बोल्टी युनिक नेपाल लघुवित्त वित्तिय संस्था लिमिटेडके कार्यकारी निर्देशक तथा लघुवित्त विज्ञ डा. गोपाल दहित संस्थाहे आघे बह्रैना साथ सहयोग कैना सदस्य, कर्मचारी, शेयरधनी तथा सरोकारवाला निकाय सक्कुहुनहे धन्यवाद डेहल रहिट । लघुवित्तसे उहाँ गरिबीके रेखाटरे ओ न्यून आय रहल व्यक्तिहे आर्यआर्जनके कृयाकलापमे महत्वपुर्ण भुमिका खेल्टी आइल बटैलै ।

कार्यक्रममे युनिक नेपाल लघुवित्त वित्तीय संस्था लिमिटेडके अध्यक्ष शिव प्रसाद चौधरी, सञ्चालक समिति सदस्य तथा अधिवक्ता सन्तराम धरकटुवा थारु ओस्टेक करके संचालक समिति सदस्य बालिका चौधरी, युनिक नेपाल लघुवित्त वित्तीय संस्था लिमिटेडके मानव संसाधन विभाग प्रमुख मानबहादुर थारु, लघु वित्त सेक्सन विभाग प्रमुख मदन चौधरी, आइटी विभागके रमेश चौधरी, स्टोर सेक्सन विभाग प्रमुख नरेन्द्र थारु ओस्टेक करके लेखा अधिकृत ययोध्या प्रसाद चौधरी, आन्तरिक लेखा परिक्षक तथा अधिकृत राजेन्द्र चौधरी, विनोद कुवंर, अधिकृत तुला चौधरी लगायत कर्मचारीके सहभागिता रहल रहे ।
युनिक नेपाल लघुवित्त वित्तिय संस्था लिमिटेडसे कैलाली, कञ्चनपुर, बांके, बर्दिया, दाङ, कपिलवस्तु, करके ६ ठो जिल्लामे ४१ ठो शाखा मार्फत सेवा करटी आइल बा ।

युनिक नेपाल लघुवित्त वित्तीय संस्था लि से २०५७ सालसे पाछे पारल वर्ग थारु, दलित, मुसलिम, आदिवासी, जनजाती, सिमान्तकृत समुदाय गरिबीके रेखाटरे रहल महिला डिडीबाबुनहे लघुवित्त कार्यक्रमसे आर्थिक रुपमे सवल बनैटी आइल बा ।
हाल युनिक नेपाल लघुवित्त वित्तीय संस्था लि संग करिब ९० हजारसे ढेर महिला डिडीबहिनीया लघुवित्त सेवा लेटी समुहमे बैठल बटै ।

युनिक नेपाल लघुवित्त वित्तीय संस्था लि. से २०५७ सालसे लघुवित्त सेवा सुरु करल हो कलेसे पाछे २०७५ सालमे नेपाल राष्ट्र बैंकसे घ वर्गके इजाजत प्राप्त करटी अपन थप सेवा विस्तार करल रहे ।