लागु औषधसहित चार जाने पक्राउ
पहुरा समाचारदाता
धनगढी, २१ सावन । कैलाली जिल्लाके टमान ठाउँसे लागु औषध सहिट पाँच जाने पक्राउ परल बटै ।
धनगढी उपहानगरपालिका वडा नम्बर २ त्रिनगर ब्यारेल लग्गेसे १ ग्राम ३३० मिलिग्राम लागु औषध खैरोहेरोईन जैसिन विल्गैना धुर पदार्थ सहित गोदावरी–५ बैठना बर्ष २९ के दिपक रानाहे शनिच्चर साँझ प्रहरीसे पक्राउ करल हो ।
जिल्ला प्रहरी कार्यालय कैलाली ओ प्रहरी चौकी त्रिनगर कैलालीसे खटल संयुक्त प्रहरी टोलीसे शंका लागके चेकजाँच करेबेर दिपकसे प्रयोग करल मोटरसाईकलके ऐनाभिटर उ पदार्थ नुकाई छिपाई धारल अवस्थामे फेला पारके आवश्यक प्रकृया पुरा करके उ सहित मोटरसाईकल थान १ पक्राउ करल हो ।
ओस्टेक करके कैलाली जिल्ला गोदावरी न.पा.२ अत्तरियासे ८२० मिलिग्राम लागु औषध खैरोहेरोईन जैसिन विल्गैना धुर पदार्थसहित उहे ठाँउ बैठना बर्ष २७ के तेजबहादुर खड्का, बर्ष २५ के कुमार खड्का ओ बर्ष २६ के धर्मराज खत्रीहे शनिच्चर साँझके प्रहरीसे पक्राउ करल हो ।
ईलाका प्रहरी कार्यालय मालाखेती कैलालीसे खटल प्रहरी टोलीसे शंका लागके चेकजाँच करेबेर ओइनके थेनसे उ पदार्थ फेला पारके पक्राउ करल हो ।
