डगरमे भैसगोरु नइबाँध्न कैलारी–७ से आग्रह

पहुरा समाचारदाता
हसुलिया, २५ सावन । कैलाली जिल्लाके कैलारी गाउँपालिका वडा नम्बर ७ के कार्यालयसे डगरेम भैसगोरु नइबाँध्ना आग्रह करले बा ।

वडा नम्बर ७ वडा अध्यक्ष दिपेन्द्रबहादुर बम सार्वजनिक सूचना जारी करटी उ आग्रह करल हुइट । वडा नं. ७ अन्तर्गत पर्ना हुलाकी राजमार्ग, अन्य सडक तथा भिटर डगरमे पशु चौपाया बाँधेबेर दुर्घटनाके जोखिम बह्रना ओ आवत जावत कैना हुइना कहल बा ।

डगरमे भैसगोरु बाँधेबेर दुर्घटनाहुके जनधनके क्षति हुइना ओ सडक बिग्रटी गैल कहल बा । कोई अटेरी करके पशुचौपाया बाँधल भेटलेसे कानून बमोजिम कारवाही कैनाफे सूचनामे कहल बा ।