लक्ष्मी माविके निर्माणधिन भवनके अनुगमन

पहुरा समाचारदाता
हसुलिया, २५ सावन । कैलालीके कैलारी गाउँपालिका–८ स्थित लक्ष्मीमाविके चार कोठे निर्माधिन भवनके अनुगमन कैगिल बा ।

निर्माणधिन चार कोठे भवनके अनुगमन कैलारी गाउँपालिकाके अध्यक्ष राजसमझ चौधरी ओ प्रमुख प्रशासकीय अधिकृत विरबहादुर ऐर ओ वडा अध्यक्ष तारामल कठरियालगायतसे कैगिल हो ।

भवनके अनुगमन करटी गाउँपालिका अध्यक्षसे काम कुवाँर मसान्तभिटर सेक्ना निर्देशन डेले बटै । ओस्टेक विद्यालयके प्रअअर्जुन चौधरी पुरान भवन जिर्ण हुके अब्बे बर्खाके बेला समस्या आइल बटैलै । उहाँ कहलै, विद्यालयके अफिस कोठा जिर्ण अवस्थामे बा । बर्खाके बेला कागजात बचैना कर्रा रहठ । अफिस भवनके उप्पर छटमे पानी चुहठ । उहीसे बचाइक लाग बरसटी डारके काम चलैना अवस्था बा ।