मुख्यमन्त्री शाहके टोलीसे बाढपीडित ओ लडिया कटाने अनुगमन

पहुरा समाचरदाता
धनगढी, २७ सावन । सुदुरपश्चिम प्रदेशके मुख्यमन्त्री कमलबहादुर शाहके टोलीसे शनिच्चरके रोज बाढ पीडित ओ लडिया काटनके अनुगमन करले बटै ।

टोलीसे कैलारी गाउँपालिका भिटरके बाढपीडित ओ लडिया कटान, घुराह पुल, बसन्ता, रामपुर कटनी पुल लगायत योजना क अनुगमन करले बटै ।

अनुगमनमे भौतिक योजना तथा पुर्वाधार मन्त्री प्रकाश देउवा, आन्तरिक मामिला तथा कानुन मन्त्री शिवराज भट्ट, वन पर्यटन तथा वातावरण मन्त्री रमेश धामी, नेपाली कांग्रेस जिल्ला सभापति नारायण दत्त भट्ट, कैलारी गाउँपालिका अध्यक्ष राजसमझ चौधरी, उपाध्यक्ष भगवती कुमारी चौधरी, गाउँपपालिकाके कर्मचारी, सुरक्षा निकायके प्रतिनिधि, जनप्रतिनिधि, टमान संघ संस्थाके प्रतिनिधिहुकनके सहभागिता रहे ।